काठमाडौँ : नेपाल क्रिकेट सङ्घ (क्यान) ले नेपाल प्रिमियर लिग (एनपिएल) मा सहभागी हुने आठ वटै फ्रेन्चाइज टोलीका मालिकको नाम सार्वजनिक गरेको छ ।
क्यानले बिहीबार सार्वजनिक गरेको टोली मालिकसहित लिगका लागि पोखराले सर्वाधिक तीन करोड ५७ लाख रुपियाँमा फ्रेन्चाइज लिएको छ ।
यस्तै दोस्रोमा कान्तिपुर पब्लिकेशनले गरेको छ । कान्तिपुरले फ्रेन्चाइजका लागि तीन करोड ३३ लाख ३३ हजार ३३९ रुपियाँ खर्च गरेको छ ।
अन्यमा क्रमशः चितवनको चितवन मेडिकल कलेज, विराटनगरको एमएडी ड्रिम्स स्पोर्ट्स, लुम्बिनीको फर्टुना हेल्थ केयर, जनकपुरको ड्रिम्स स्पोर्ट्स, कर्णालीको हिमालय बिल्डर्स र सुदूरपश्चिमको इम्पायर स्पोर्ट्स रहेको छ ।
आठ फ्रेन्चाईजीको बिक्रीबाट क्यानले १६ करोड ८८ लाख ९३ हजार २सय ३१ रुपैया कमाएको छ ।
हरेक टोलीले बोल कबोलमार्फत फ्रेन्चाइज लिएका हुन् । आगामी एनपिएल मङ्सिर १५ गतेदेखि पुस ६ गतेसम्म हुनेछ ।
