एजेन्सी – नर्वेली युवा फरवार्ड एर्लिङ ब्राउट हालान्डले प्रिमियर लिग खेल्ने खेलाडीमध्ये एकै सिजन धेरै गोल गर्ने कीर्तिमान बनाएका छन् ।
मंगलबार राति भएको युइएफए च्याम्पियन्स लिग अन्तरगतको क्वाटरफाइनलको पहिला लेगमा म्यानचेस्टर सिटीले ३–० को जित निकालेको खेलमा एक गोल गरेसँगै हालान्डले उक्त कीर्तिमान बनाएका हुन् ।
२२ वर्षीय हालान्डले एकै सिजन ३९ खेलमा ४५ गोल गरेर कीर्तिमान बनाएका हुन् । उनले यसअघि लिभरपुलका मोहम्मद सलाहले र म्यानचेस्टर युनाइटेडका रुड भान निस्टलरोएले एकै सिजन ४५ गोल गर्दै कीर्तिमान बनाएका थिए ।
दुवैले ५२ खेलमा ४४ गोल गर्दै कीर्तिमान बनाएका थिए । उक्त कीर्तिमान हालान्डले यो सिजनको अझै दुई महिना बाँकी रहँदै तोडेका हुन् ।
जर्मन क्लब बोरुसिया डर्टमुन्डबाट यसै सिजनको समरमा सिटी आएका हालान्डले प्रिमियर लिगमा अद्भुत प्रदर्शन गरिरहेका छन् । उनले आफ्नो नाममा कीर्तिमान बनाइराखेका छन् ।
