पेरिस सेन्ट जर्मेन (पीएसजी) ले लियोनल मेस्सी, नेयमार र किलियन एमबाप्पेको आक्रमणकारी त्रिकुट टोलीको गतिशीलताको लागि राम्रो संकेत नभएको कथित रूपमा महसुस गरेको छ। यसै कारण पनि उनीहरू बीच यस गर्मीमा बार्सिलोना दिग्गजको सम्झौता लम्ब्याउने बारे शंका उत्पन्न गरेको छ।
फ्रान्सेली आउटलेट ल्’एकुइपेका अनुसार मेस्सी आउँदो गर्मीमा एक नि: शुल्क एजेन्टको रूपमा पेरिस छोड्न नजिक छन्। अर्जेन्टिनाका स्टार जुनमा सम्झौताबाट बाहिर हुँदैछन् र नवीकरण प्रस्तावमा दुई पक्ष सहमत भएका छैनन्। यसैबीच, पीएसजी पनि उनको विस्तारको बारेमा अनिश्चित छ। किलियन एमबाप्पे र नेयमारसँगको उनको साझेदारीले टोलीको सन्तुलनमा चोट पुर्याएको पीएसजीको विश्वास रहेको छ।
पीएसजीबाट मेस्सी बाहिरिने हल्लाको बीचमा बार्सिलोनाले आफ्नो कीर्तिमानी गोलकर्तालाई क्याम्प नोउमा फर्काउने इच्छा व्यक्त गरेको बताइएको छ। जाभी तथा बार्सिलोना हाल फाइनान्सियल फेयर प्ले प्रतिबन्धको साथ संघर्ष गरिरहेका छन् तर लियोनल मेस्सीको पुनरागमन सम्भव बनाउन कुनै कसर बाँकी राख्ने छैनन्।
२०२१ को गर्मीमा फ्रेन्च क्लबमा आबद्ध भएदेखि लियोनल मेस्सीले ६६ खेल खेलेका छन्, जसमा उनले २९ पटक गोल गरेका छन् र ३२ असिस्ट प्रदान गरेका छन्।
