आर्टिफिसियल इन्टेलिजेन्स च्याटजीपीटीले भर्खरै फुटबलको सबै समयको उत्कृष्ट ११ सार्वजनिक गरेको छ जसमा क्रिस्टियानो रोनाल्डो, लियोनल मेस्सी, जिनेदिन जिदान, डिएगो म्याराडोना र पेले जस्ता सुपरस्टारहरू समावेश छन्।
View this post on Instagram
स्कोर९० ले अहिलेसम्मकै उत्कृष्ट ११ निर्धारण गर्न सर्वेक्षण गरेको हो। ४५ वर्षको उमेरमा पनि पर्माका लागि खेल्दै आएका इटालियन लिजेन्ड जियानलुइगी बुफोनलाई गोलपोस्टको बीचमा राखिएको छ। २००२ फिफा विश्वकप विजेता ब्राजिलका कप्तान काफु राइट ब्याक हुन्। इटालियन लिजेन्ड फ्रान्को बारेसी र जर्मन स्टालवार्ट फ्रान्ज बेकेनबाउर दुई सेन्ट्रल डिफेन्डर रहेका छन्। पाओलो माल्दिनी टिमको लेफ्ट ब्याक छन्।
View this post on Instagram
१९९८ फिफा विश्वकप नायक जिनेदिन जिदान मिडफिल्डमा जोहान क्रुफ र स्वर्गीय महान डिएगो म्याराडोनाको साथमा छन्। तीन पटकको फिफा विश्वकप विजेता, भर्खरै निधन भएका पेले आधुनिक समयका महान खेलाडीहरू क्रिस्टियानो रोनाल्डो र लियोनल मेस्सीसँगै आक्रमणमा छन्। आर्टिफिसियल इन्टेलिजेन्सले सबै समयको उत्कृष्ट पाँच-ए-साइड टोलीलाई पनि सार्वजनिक गरेको हो। च्याटजीपीटीका अनुसार बेकबाउर, जिदान, मेस्सी, रोनाल्डिन्हो र रोनाल्डो पाँच खेलाडी हुन्।
