प्रिमियर लिग क्लब चेल्सीले २०२२-२३ को च्याम्पियन्स लिगको क्वाटरफाइनलमा रियल म्याड्रिडसँग खेल्नेछ भने म्यानचेस्टर सिटीले बायर्न म्युनिखसँग ब्लकबस्टर भिडन्तमा भिड्नेछ।
गत सिजन पनि चेल्सी र रियल म्याड्रिड अन्तिम ८ मा नै एक-अर्कासँग भिडेका थिए। गत सिजन पहिलो लेगमा चेल्सीको घरेलु मैदानमा रियलले ३-१ को जित निकालेको थियो भने म्याड्रिडको घरमा चेल्सी ३-२ ले विजयी भएको थियो। समग्रमा ५-४ को जित निकाल्दै म्याड्रिड सेमीफाइनलमा प्रवेश गरेको थियो।
यस सिजन भने पहिलो खेल म्याड्रिडको घरेलु मैदान सान्टियानो बर्नबेउमा हुनेछ भने दोस्रो लेग स्ट्यामफर्ड ब्रिजमा हुनेछ। पहिलो लेग अप्रिल ११ मा हुनेछ भने दोस्रो लेग अप्रिल १८ मा हुनेछ।
अन्य खेल:-
म्यानचेस्टर सिटी विरुद्ध बार्यन म्युनिख
इन्टर मिलन विरुद्ध बेन्फिका
एसी मिलान विरुद्ध नापोली
