एजेन्सी – विभिन्न खेल मिडियाहरुका आएका खबरलाई मान्ने हो भने प्रिमियर लिग क्लब म्यानचेस्टर युनाइटेडले क्लबका केहि खेलाडीहरुलाई बिक्री गर्ने योजना बनाएको छ। युनाइटेडले क्लबका केहि खेलाडीहरुलाई बिक्री गर्ने योजना बनाएको दावी बेलायतबाट प्रकाशित हुने विभिन्न मिडियाहरुले गरेका हुन्।
म्यानचेस्टर इभिनिङ न्यूजका अनुसार युनाइटेडले एन्थोनी मार्सियल, ह्यारी म्यागुइर र एलेक्स टेलिस गरी तीन खेलाडीलाई बिक्री गर्ने योजना बनाएको छ। तीनै खेलाडीलाई आउने समर ट्रान्सफर विन्डोमा बिक्री गर्न सक्ने म्यानचेस्टर इभिनिङ न्यूजले जनाएको छ।
म्यानचेस्टर इभिनिङ न्यूजका अनुसार तीनै खेलाडीलाई हटाउने निर्णय एरिक टेन ह्यागले गरिसकेका छन्। तीनै खेलाडी आफ्नो योजनामा नहुने हुँदा तीनैलाई बिक्री गर्न टेन ह्यागले क्लबका उच्च अधिकारीहरुलाई जानकारी गराइसकेको बताइन्छ।
मार्सियल २०२२-२३ सिजनमा धेरै पटक घाइते भइसकेका छन्। यस सिजन युनाइटेडले ३४ खेल खेल्दा उनले २० खल चोटका कारण गुमाएका छन्। त्यस्तै म्यागुइर भने टेन ह्यागको रोजाईमा पर्न सकिरहेका छैनन्।
टेन ह्यागले डिफेन्समा म्यागुइरलाई विश्वास गर्न नसकिरहेको अवस्था छ। समर ट्रान्सफर विन्डोमा लिसान्ड्रो मार्टिनेजको आगमन पछि म्यागुइर क्लबमा खेल्ने मौका पुन संघर्षरत छन्। यति बेला उनी एक ब्याकअप डिफेन्डरको रुपमा मात्रै रहेका छन्।
उता टेलिस भने लोनमा स्पेनिस क्लब सेभियामा रहेका छन्। फ्रान्सेली फरवार्डको हालको सम्झौता सन् २०२४ सम्मका लागि छ। सम्झौतामा एक वर्ष मात्रै बने रहने हुँदै युनाइटेडले उनलाई आउने समर ट्रान्सफर विन्डोमै बिक्री गर्ने योजना बनाएको छ।
