सम्मानित फुटबल क्लबको व्यवस्थापक हुन गाह्रो हुन्छ। प्रत्येक अफ-फिल्ड प्रेस सम्मेलन, साथै हरेक अन-फिल्ड कल, विश्वभरि लाखौं शंकास्पद आँखाद्वारा जाँचमा हुन्छन्। साना-साना गल्ती पनि निकै भारी हुँदा एक गल्तीको पाइलाले पनि अनेक आलोचना निम्त्याउँछ।
केहीले फुटबल प्रशिक्षकले मात्र लाखौंको अपेक्षा पूरा गर्न सफल भएका छन् र यस सिजनमा फ्यानहरूलाई आकर्षक र प्रभावकारी फुटबल प्रस्तुत गरेका छन्। यस्तोमा, आज हामी केही यस्ता प्रशिक्षकलाई हेर्नेछौं र उनीहरुको काम कस्तो छ भनेर हेर्नेछौं। त्यसैले, अहिले विश्व फुटबलमा शीर्ष पाँच प्रशिक्षकलाई हेरौं।
५. जाभी हर्नान्डेज (बार्सिलोना)
उनको नेतृत्त्वमा बार्सिलोना लगातार दोस्रो पटक च्याम्पियन्स लिगबाट घटुवा भएर युरोपा लिगमा झरेपनि स्पेनिस लिगमा भने उनको टोलीले निकै सानदार लय देखाएको छ। गत हप्ता मात्र स्पेनिस सुपर कपको फाइनलमा रियल म्याड्रिडलाई ३-१ ले पराजित गर्दै पहिलो उपाधि जितेका जाभीको बार्सिलोना हाल ला लिगा तालिकाको शीर्ष स्थानमा रहेको छ।
४. पेप ग्वार्डीओला (म्यानचेस्टर सिटी)
पेपको नेतृत्वमा सिटी विश्व कै सबैभन्दा खतरनाक टोली बनेको छ। उनको टोली हाल प्रिमियर लिगमा दोस्रो स्थानमा छ भने च्याम्पियन्स लिगको अन्तिम १६ मा रहँदा प्रतियोगिता जित्न प्रमुख दाबेदार रहेको छ।
३. एड्डी होवे (न्युकासल युनाइटेड)
गत सिजन प्रिमियर लिगको १९ औं स्थानमा हुँदा न्युकासलको कमान सम्हालेका होवेलले अघिल्लो सिजन आफ्नो क्लबलाई रेलिगेसनबाट मात्र बचाएनन् तर यस सिजन प्रिमियर लिग तालिकाको तेस्रो स्थानमा कायम राखेका छन्।
२. मिकेल आर्टेटा (आर्सनल)
गत सिजन केही अंकले मात्र टप ४ स्थान गुमाएको आर्सनल हाल प्रिमियर लिगको शीर्ष स्थानमा रहेको छ। युरोपा लिगमा पनि निकै उत्कृष्ट प्रदर्शन गरिरहेको आर्टेटाको टोली हाल लिगमा सिटी भन्दा एक खेल कम खेल्दै ५ अंकले अगाडी रहेको छ।
१. लुसियानो स्पालेटी (नापोली)
हेर्नका हाल युरोपियन फुटबल कै सबैभन्दा आकर्षक टोली हो नापोली। हाल सरी-ए तालिकामा दोस्रो स्थानको एसी मिलान भन्दा १२ अंकको अग्रताका साथ नापोली शीर्ष स्थानमा रहेको छ भने च्याम्पियन्स लिगमा पनि उनीहरुको प्रदर्शन निकै उच्च स्तरको रहेको छ।
