ला लिगा विश्वको सबैभन्दा उत्कृष्ट र प्रतिस्पर्धी फुटबल लीग मध्ये एक हो। त्यसैगरी, यस लिगका धेरै टोलीहरूले हालका वर्षहरूमा युइएफए च्याम्पियन्स लिग र युइएफए युरोपा लिग जस्ता धेरै युरोपेली क्लब प्रतियोगिताहरूमा प्रभुत्व जमाएका छन्।
स्पेनिस लिगले विगतमा लियोनल मेस्सी र क्रिस्टियानो रोनाल्डो जस्ता धेरै खेलाडीहरूलाई पनि सुपरस्टारको दर्जामा पुर्याएको छ। २०२२-२३ ला लिगा सिजनमा पनि हामीले विभिन्न टोली र खेलाडीहरूले धेरै उत्कृष्ट प्रदर्शन देखेका छौं। यस्तोमा, आज हामी यस लेख मार्फत हाल (जनवरी २०२३) ला लिगाका चार सबैभन्दा उत्कृष्ट लयमा रहेका खेलाडीहरूलाई हेर्नेछौं।
४. अल्भारो मोराटा (एथलेटिको म्याड्रिड)
पूर्व युभेन्टस स्टारले म्याड्रिड क्लबका लागि अन्तिम ५ खेलमा २ गोलका साथै ला लिगामा उनले यस सिजन ७ गोल गरेका छन्।
३. एलेजेन्डर सोर्लोथ (रियल सोसीडाड)
लिग तालिकाको तेस्रो स्थानमा रहेको सोसीडाडका लागि नर्वेली स्टार निकै सानदार लयमा रहेका छन्। जारी सिजन ला लिगामा ८ गोल गरिसकेका उनले पछिल्ला ५ खेलमा ३ गोल गरेका छन्।
२. मार्क आन्द्रे टर स्टेगेन (बार्सिलोना)
बार्सिलोना करियर कै सबैभन्दा उत्कृष्ट प्रदर्शन गरिरहेका जर्मन गोलकिपर यस सिजन क्यटालान क्लबका लागि वाल साबित भएका छन्। यस सिजन खेलेका १७ खेलमा १३ क्लिन-सिट राख्न साफल भएका छन् भने पछिल्ला ५ खेलमा २ गोल खाएका छैनन्।
१. करिम बेन्जेमा (रियल म्याड्रिड)
पछिल्ला ५ खेलमा ४ गोल गरेका बालोन डी’ ओर विजेता हाल स्पेनिस लिगका सबैभन्दा उत्कृष्ट लयमा रहेका खेलाडी हुन्। यस सिजन ९ लिग गोल गरेका उनी लिगको उच्च गोलकर्ताको सूचीमा तेस्रो स्थानमा रहेका छन्।
