एजेन्सी – म्यानचेस्टर सिटीका स्ट्राइकर एर्लिङ हालाण्डले सिटीलाई च्याम्पियन्स लिग दिलाउने आफ्नो लक्ष्य रहेको बताएका छन्। एक मिडियासँग कुराकानी गर्नेक्रममा हालाण्डले सिटीलाई च्याम्पियन्स लिग दिलाउने आफ्नो लक्ष्य रहेको बताएका हुन्।
सिटीलाई उपाधि दिलाउनको लागि आफ्नो तर्फबाट गर्न पर्ने सबै कार्य गर्ने हालाण्डले बताए। सिटीका लागि गेम चेन्जर हुने र च्याम्पियन्स लिग जित्ने आफ्नो योजना रहेको हालाण्डले सुनाए।
“म सकेसम्म यहाँ म्यानचेस्टर सिटीसँग ट्रफी जित्न आफ्नो सबै दिनेछु। हरेक खेलमा गेम चेन्जर हुने मेरो प्रयास रहन्छ। मेरो लक्ष्य च्याम्पियन्स लिग जित्ने हो।”,हालाण्डले भने।
हालाण्ड गत समर ट्रान्सफर विन्डोमा मात्रै सिटी आइपुगेका हुन्। सिटी आइपुग्ने बितिकै हालाण्डले सिटीका लागि उच्च प्रदर्शन गरिरहेका छन्। हालाण्डले सिजनको सुरुवात देखि नै उच्च प्रदर्शन गर्न सुरु गरेका थिए।
हालाण्डले सिटीका लागि सबै प्रतियोगितामा अहिले सम्म कुल २४ खेल खेलेका छन्। जसमा उनले २७ गोल गरेका छन्। यस बीचमा उनले ३ असिस्ट पनि दिसकेका छन्।
प्रिमियर लिग मात्रको कुरा गर्ने हो भने हालाण्डले १७ खलमा २१ गोल गर्दै ३ असिस्ट दिएका छन्। हालाण्ड प्रिमियर लिगका शिर्ष गोलकर्ता रहेका छन्। यता च्याम्पियन्स लिगमा पनि उनले राम्रो प्रदर्शन गरिरहेका छन्। हालाण्डले ४ खेलमा ५ गोल गरेका छन्।
