एजेन्सी – फिफा विश्वकप कतार २०२२ समाप्त भएपछि अब फुटबलप्रेमीको ध्यान घरेलु लिगतर्फ छ । पहिलो पटक युरोपेली सिजनको मध्यतिर भएको विश्वकपका कारण टोलीहरु दोस्रो पटक सिजनको लागि मैत्रीपूर्ण खेलबाट तयारी गरिरहेका छन् ।
युरोपका शीर्ष लिगका टोली हाल अन्यत्र क्लबसँग खेलमा व्यस्त छन् । कतिपय क्लबले त मैत्रीपूर्ण प्रतियोगिता नै खेलेका छन् । अष्ट्रेलियाको ए लिगमा खेलहरु सुरु भइसक्दा स्कटल्यान्डमा पनि अघिल्लो साताबाट खेल सुरु भएको छ । विश्वकप आयोजक कतारले पनि यसै सातादेखि आफ्नो मुख्य लिग कतार स्टार्स लिग सुरु गर्दैछ ।
विश्वकै चर्चित इंग्लिस प्रिमियर लिग डिसेम्बर २६ देखि सुरु हुँदैछ । साउदीको लिग अघिल्लो साताबाट सुरु भइसकेको छ । क्रिस्टियानो रोनाल्डो साउदी क्लब आल नासर जाने चर्चा भएपनि हालसम्म उनले कुनै निर्णय गरेका छैनन् । फ्रान्सको लिग १ का खेलहरु डिसेम्बर २८ देखि सुरु हुँदा त्यसको भोलीपल्ट डिसेम्बर २९ बाट चल्नेछ ।
इटालीको सिरी ए भने नयाँ वर्षपछि मात्र सुरु हुनेछ । जनवरी ४ मा इटालीयन सिरी ए तथा जनवरी ६ बाट नेदरल्यान्ड्सको एरिडेभिजे सुचारु हुँदैछ । विश्वकपमा जर्मनी समूह चरणबाट बाहिरिएपनि पूर्व निर्धारित तालिका अनुसार जर्मन बुन्डेसलिगा जनवरी २० देखि सुरु हुनेछ ।
