समर्थकहरूले लियोनल मेस्सीलाई विश्वकप जितेमा पेरिस सेन्ट जर्मेनले ‘बखास्त’ गर्न सक्ने भन्दै ठट्टा गरेका छन्। सात पटकका ब्यालोन डी’ओर विजेता अर्जेन्टिनालाई आइतबार हुने फाइनलमा वर्तमान विश्व च्याम्पियन फ्रान्सविरुद्धको खेलमा जित दिलाउँने लक्ष्यमा रहेका छन्, जुन खेल आआफ्नो विश्वकप करियर कै अन्तिम हुने उनले यसअघि नै घोषणा गरिसकेका छन्।
मेस्सीले अहिलेसम्म ६ खेलमा पाँच गोल र तीन असिस्ट गर्दै कतारमा मिसनमा रहेका व्यक्ति देखिएका छन्। उनले क्रोएसियामाथि मंगलबारको सेमिफाइनलको जितमा पेनाल्टीबाट गोल गर्दै जुलियन अल्भारेजलाई उत्कृष्ट शैलीमा खेलको दोस्रो हाफमा जोस्को ग्भार्डियोललाई पछार्दै उत्कृष्ट असिस्ट दिएका थिए। यो सबै मेस्सीको पहिलो विश्वकप जितको लागि निर्माण भएको माहोल जस्तो लाग्छ। तर, उनको बाटोमा अर्को बाधा छ।
बुधबार राति फ्रान्सले मोरक्कोलाई २-० ले हराउँदै ब्राजिल २००२ पछि लगातार दुई पटक विश्वकपको फाइनल खेल्ने पहिलो टोली बन्यो। उनीहरुका स्टार खेलाडी किलीयन एमबाप्पे हुन्, जो मेस्सीको पछिल्लो १६ महिनादेखिको पीएसजीका सहकर्मी हुन्। उनी २३ वर्षको उमेरमा लगातार विश्वकप जित्ने लक्ष्यमा छन्।
एम्बाप्पेले रियल म्याड्रिडबाट महत्वपूर्ण चासो पाएपनि यस वर्षको सुरुमा पीएसजीसँग नयाँ सम्झौता गरेका थिए। जसपछि विभिन्न रिपोर्टहरूले दाबी गरे अनुसार फ्रेन्च फरवार्डले पार्क डेस प्रिन्सेसमा खेलकुद मामिलामा आफ्नो भनाइ राख्ने शक्ति प्राप्त गरेका छन्, यद्यपि यसको वास्तविक तथ्य भने अज्ञात छ।
यसले सामाजिक सञ्जालमा प्रशंसकहरूलाई अर्को गर्मीसम्म लिग १ दिग्गजहरूसँग सम्झौता रहेका मेस्सीलाई सुझाव दिनबाट रोकेको छैन, यदि मेस्सीले आउँदो आइतबार फ्रान्सलाई हराएर विश्व विजेता बनेमा एम्बाप्पेसँग टक्कर हुने मजाक गरेका छन्। एक व्यक्तिले भने: “आइतबार मेस्सी साँच्चै कठिन स्थितिमा हुनेछन्। यदि उनले विश्वकप जिते भने, उनलाई सोमबार पीएसजीबाट एमबाप्पेले बर्खास्त गर्न सक्छन्।”
अर्को व्यक्तिले भने, “उनले पियर्स मोर्गनलाई अन्तर्वार्ताको लागि बोलाउन सक्छन् मेस्सीलाई तत्काल प्रभावबाट हटाउन।” तेस्रोले ट्वीट गरे: “यदि मेस्सीले जिते भने एमबाप्पेले उनलाई बर्खास्त गर्छन्।”
