काठमाडौँ – निकोलस मोन्टज लुसेल स्टेडियमभित्रबाट आएका ठूला आवाजबाट बताउन सक्थे कि लियोनल मेसीले मंगलबार राति सेमिफाइनलमा खेलमा अर्जेन्टिनाका लागि पहिलो गोल गरे। यो समाचार नागरिक दैनिकमा प्रकाशित छ।
स्टेडियमबाहिर रहेका हजारौं टिकटविहीन समर्थकमध्ये एक थिए, निकोलस। अर्जेन्टिनी निकोलसले यति ठूला आवाज यसअघि कहिल्यै सुनेका थिएनन्। ‘यदि त्यो गोल क्रोएसियाबाट भएको थियो भने यति ठूलो आवाज आउँदैनथ्यो र त्यहाँ शान्त रहन्थ्यो। त्यहाँ सबै मेसीका लागि आएका छन्,’ मेसी नामांकित १० नम्बरको जर्सी लगाएका २९ वर्षे निकोलसले भने। अर्जेन्टिनी जर्सीमा रंग आकाशे नीलो र सेतो छ। जुन, दोहाको जताततै देखिन्थ्यो। ‘अर्जेन्टिनाको खेलको टिकट नपाएको यो पहिलोपटक हो,’ सान्टिनो रोजा अर्का अर्जेन्टिनीले भने, ‘म भित्र जान पाइनँ र मैले अवसर गुमाएँ। तथापि, कम्तीमा म यो रंगशालासम्म मात्र भने आइपुगें। त्यहाँ अरूले भन्दा पनि मेसीले गोल गर्दा म खुसी हुनेछु।’
एक रिपोर्टका अनुसार ३५ हजारभन्दा बढी अर्जेन्टिनी समर्थक कतार आइपुगेका छन्। तीमध्ये धेरै जसोले रंगशालामा प्रत्यक्ष विश्वकप हेर्न पाएनन्। तीमध्ये थिए, निकोलस र सान्टिनो। यी समर्थक अन्ततः मेसीले उपाधि उचालेको हेर्न चाहन्छन्। त्यसको साक्षी बन्न भए पनि यो सहरमा आइपुगेका हुन्। धेरै जसो समर्थकले सेमिफाइनल खेलको टिकट पाएनन्। मेसीको अर्जेन्टिनाबाट मात्र होइन कामका लागि दक्षिण अमेरिकाबाट त्यहाँ रहेका कयौं अर्जेन्टिनीले दोहामा रहेको ठूलो स्क्रिनबाट आफ्नो देशको खेल हेरे। अर्जेन्टिनाका समर्थकले वाट्सएप ग्रुप नै बनाएका छन्।
त्यसको उद्देश्य टिकट उपलब्ध गराउन सहजता प्रदान गर्नु र आवश्यक परेकालाई बस्ने स्थान उपलब्ध गराउनु हो। ‘यदि हामीले अर्को टिकट पायौं भने अन्यलाई सहयोग गर्ने गरेका छौं,’ निकोलस मोन्टेजले भने, ‘तर आज टिकट पाउन सम्भव भएन। एक समर्थकका लागि त्यो निकै दुखलाग्दो कुरो हो। यो अवस्था फाइनलमा पनि हुन सक्छ।’ लुसेल रंगशालामा खेल चलिरहँदा हरेक मिनेट बाहिर समर्थकको संख्या बढेको बढै थियो। त्यहाँका स्थानीय आफ्ना बालबच्चा बोकेर रंगशालामा बाहिर थिए।
