पूर्व युएस कप्तान एलेक्सी लालासले सोमबार राति क्रिस्टियानो रोनाल्डोले उरुग्वे विरुद्ध पोर्चुगलको पहिलो गोलको लागि बलमा आफूले छोएको भन्दै पियर्स मोर्गनलाई सन्देश पठाएको दाबी गरेका छन्। सोमबार नोभेम्बर २८ मा भएको फिफा विश्वकपमा पोर्चुगलले समूह एचको खेलमा दुई पटकको विश्वकप विजेतालाई २–० गोल अन्तरले पराजित गरेको हो।
खेलको ५४ औं मिनेटमा ब्रुनो फर्नान्डिसको क्रस शट सबैलाई उछिन्दै पोष्टमा छिर्यो। तर क्रिस्टियानो रोनाल्डोले हेड गर्ने प्रयास गर्दा बलमा टच भएको दाबी गरे र गोलको उत्सव पनि मनाए। यद्यपि, रिप्लेका अनुसार भने बल र फ्रि एजेन्ट रोनाल्डोको टाउको बीचमा स्पष्ट खाली ठाउँ देखिएको थियो र अन्ततः गोल ब्रुनोलाई दिइएको थियो। तर त्यसले पोर्चुगलका कप्तानलाई आफ्नो साथी पियर्स मोर्गनलाई सन्देश पठाउनबाट रोकेन, जसमा गोलको श्रेय उनलाई दिनु पर्ने जोड दिएको लालासले खुलासा गरेका छन्।
लालासले फक्स सकरमा यसो खुलासा गरे: “ब्रेकिंग न्यूज यो हो कि क्रिस्टियानो रोनाल्डोले बलले उनलाई छोएको दाबी गरे पनि गोल गरेनन्। म पियर्स मोर्गनसँग मात्र थिएँ र उनले भने कि क्रिस्टियानोले लकर कोठाबाट उनलाई टेक्स्ट म्यासेज गरे कि रोनाल्डोलाई विश्वास छ कि बलले उनको टाउकोलाई छोयो। त्यसैले, खै कसलाई के थाहा ?”
यस्तो छ लालासको दाबीको भिडियो:
The “I’m going to tell Piers Morgan” memes are actually true 💀💀 pic.twitter.com/uTu6thwtaE
— R (@Lionel30i) November 29, 2022
