एजेन्सी – क्रिस्टियन एरिक्सनलाई समेट्दै डेनमार्कले दुई सातापछि कतारमा आयोजना हुने फिफा विश्वकप कतार २०२२ को लागि आफ्नो अन्तिम टोली घोषणा गरेको छ ।
डेनमार्कले विश्वकपका लागि २१ सदस्सीय टोली घोषणा गर्दा प्रशिक्षक क्यास्पर हजुल्मान्डले एरिक्सनलाई टोलीमा समेटेको हो । प्रशिक्षक हजुल्मान्डले हालसम्म २१ खेलाडीको नाम घोषणा गरेको छ । बाँकी पाँच खेलाडी यसै साता परिपुर्ति हुनेछ ।
एरिक्सन हृदयघात भएको १८ महिनापछि डेनमार्कसँग २०२२ को विश्वकपमा फर्कदैछन् । युरो २०२० को उद्घाटन खेलमा हृदयघात भएपछि एरिक्सनले गत मार्चमा टोलीमा पूनरागमन गरेका थिए ।
टोटनह्यामका पियरे–एमिल होब्वजर्र्ग, लिड्का रासमुस क्रिस्टेनसेन र ब्रेन्टफर्डका म्याथियास जेन्सेन र मिकेल डम्सगार्ड पनि टोलीमा अटाएका छन् । युसुफ पउल्सेन र क्रिस्चियन नोगार्डलाई टोलीमा समावेश गरिएको छैन ।
यूरो २०२० को सेमिफाइनलमा स्थान बनाएको डेनमार्कले युरोपेली विश्वकप छनोटमा १० मध्ये ९ खेल जित्दै कतार विश्वकपमा छनोट भएको थियो ।
डेनमार्कले समूह ‘डी’ मा नोभेम्बर २२ मा ट्युनिसियासँग खेल्दै विश्वकपको सुरुवात गर्नेछ । त्यसपछि २६ नोभेम्वरमा फ्रान्स तथा ३० नोभेम्वरमा अष्ट्रेलियासँग खेल्नेछ ।
डेनमार्कको विश्वकप टोली
गोलरक्षक – कास्पर स्माइकल (नाइस), ओलिभर क्रिस्टेनसेन (हर्था बर्लिन)
डिफेन्डर – सिमोन काएर (एसी मिलान), जोआकिम एन्डरसन (क्रिस्टल प्यालेस), जोकिम माहेले (एटलान्टा), एन्ड्रियास क्रिस्टेनसेन (बार्सिलोना), रासमुस क्रिस्टेनसेन (लिड्स), जेन्स स्ट्राइगर लार्सन (ट्राब्जोन्सपोर), भिक्टर नेल्सन (गालाटासारे), डेनियल वास (ब्रोन्डवी)
मिडफिल्डर – थोमस डेलानी (सेभिया), म्याथियास जेन्सेन (ब्रेन्टफर्ड), क्रिस्चियन एरिक्सन म्यानचेस्टर युनाइटेड) र पियरे–एमिल होज्ब्जर्ग (टोटेनहम)
फरवार्ड – एन्ड्रियास स्कोभ ओल्सेन (क्लब ब्रुग), जेस्पर लिन्डस्ट्रम (आइतनट्राक्ट फ्रान्कफुर्ट), एन्ड्रियास कर्नेलियस (कोपेनहेगन), मार्टिन ब्रेथवेट (स्पान्योल), कास्पर डोलबर्ग (सेभिया), मिक्केल डाम्सगार्ड (ब्रेन्टफर्ड), जोनास विन्ड (वल्फ्सवर्ग)
