म्यानचेस्टर युनाइटेडका पूर्व डिफेन्डर प्याट्रिस इभ्राले पोर्चुगिज स्टार क्रिस्टियानो रोनाल्डोका आलोचकहरूलाई “ईर्ष्यालु” र पेरिस सेन्ट-जर्मेन (पीएसजी) का सुपरस्टार लियोनल मेस्सीको अन्धो समर्थकको संज्ञा दिएका छन्।
३७ वर्षीय रोनाल्डो दुई दशकदेखि फुटबल जगतमा ठूलो योगदान दिँदै आएका छन्। २००२ मा आफ्नो व्यावसायिक फुटबल करियर सुरु गरेदेखि, उनले क्लब र देशको लागि ३२ वटा उपाधि उठाइसकेका छन्। उनले रियल म्याड्रिड, म्यानचेस्टर युनाइटेड, युभेन्टस र स्पोर्टिङ सीपीका लागि ९४३ खेलमा ७०० गोल र २२२ असिस्टमा योगदान पुर्याएका छन्।
पाँच पटकका ब्यालोन डी’ओर विजेता, दिग्गज स्ट्राइकर पाँच उपाधिका साथै १४० गोलको साथ प्रतियोगिताको सबै समयको शीर्ष गोलकर्ता पनि हुन्। उनले प्रिमियर लिग, ला लिगा र सिरी ए मा पनि सर्वाधिक गोलकर्ताको अवार्ड जितेका छन्। बेटफेयरसँग कुरा गर्दै, इभ्राले रोनाल्डोको प्रशंसा गरे र आफ्नो पूर्व म्यानचेस्टर युनाइटेड सहकर्मीलाई “एलियन” को संज्ञा दिएका छन्।
उनले भने, “हामीसँग यो बहस छ, र केहि साँच्चै अनुचित मानिसहरू, म तिनीहरूलाई ईर्ष्यालु मानिसहरू भन्छु, जसले उनको आलोचना गर्छन्। तर उनी म्याड्रिड गए र स्पेनमा राज गरे, उनी युभेन्टस गए र इटालीमा राज गरे। उनी ३६ वर्षको उमेरमा प्रिमियर लिगमा फर्किए।”
“जब तपाईं क्रिस्टियानोको अनादर गर्नुहुन्छ भने कि तपाईं ईर्ष्यालु हुनुहुन्छ वा मेस्सीको प्रशंसक हुनुहुन्छ। म यो बुझ्छु र यसमा कुनै समस्या छैन। तर उनी अवास्तविक छन्। उनी एक एलियन हुन्। यदि हामी स्पेसशिप लिन्छौं र चन्द्रमा जान्छौं भने, हामी क्रिष्टियानोलाई त्यहाँ देख्न सक्छौं। जब हामी सुत्छौं तब उनी चन्द्रमामा जान्छन् किनभने उनी एलियन हुन्।”
