खराब नतिजा र क्लबको प्रसिद्ध टिकी-टाका प्रणाली लागू नगरेको आरोप लगाएपछि रोनाल्ड कोम्यानलाई गत वर्ष अक्टोबरमा बार्सिलोनाले बर्खास्त गरेको थियो।
आठ महिना पछि, डचम्यानले क्लबलाई कडा प्रहार गरेका छन्। पूर्व नेदरल्यान्ड्स प्रशिक्षकले क्याटालान दिग्गजहरू अझै पनि उनीहरूको अपेक्षा र खेलको दृष्टिकोणको सन्दर्भमा विगतमा बाँचिरहेको दाबी गरेका छन्। बार्सिलोनामा आफ्नो समयको दौडान, रोनाल्ड कोम्यानले पाँच डिफेन्डरहरूसँग खेल्ने सहित धेरै संरचनाहरू प्रयास गरे, जसलाई धेरैले क्लबको प्रतिष्ठाको लागि धेरै रक्षात्मक भएको आरोप लगाएका थिए।
रणनीतिकार यस विषयमा आलोचकहरूसँग सहमत छैनन् र आफू प्रभावशाली फुटबलको फ्यान भएको र आफ्नो उक्त रणनीति कै कारण केही महिनाको लागि बार्सिलोनाले राम्रो खेलेको पनि दाबी गरेका छन्। “म खेलमा प्रभुत्व जमाउने पक्षमा छु,” उनले Esport3 (गोल मार्फत) भने, “यदि तपाईं तीन सेन्टर डिफेन्डर र पाँच डिफेन्डरका साथ खेल्नुहुन्छ भने, भन्न सक्नुहुन्न कि यो एक रक्षात्मक प्रणाली हो। तीन वा चार महिनाको लागि यो प्रणालीको साथ हामीले हालका वर्षहरूमा उत्कृष्ट खेलहरू खेल्यौं। यसको स्पष्ट उदाहरण एथलेटिक विरुद्धको फाइनल थियो।”
“बार्सा ४-३-३ देखि, ‘टिकी-टाका’ सम्म, विगतमा बाँच्दछ। फुटबल परिवर्तन भएको छ। अब यो छिटो, धेरै शारीरिक छ। तपाईं अतीतमा बाँच्न सक्नुहुन्न।”
रोनाल्ड कोम्यानले बार्सिलोनाले बायर्न म्युनिखबाट रोबर्ट लेवान्डोस्कीलाई अनुबन्ध गरेको बारे आफ्नो धारणा राखेका छन्। डचम्यानले पोलिस स्ट्राइकरको गुणस्तरलाई स्वीकार गरे तर उनको वर्तमान उमेरमा ठूलो खर्च गर्न भने नहुने बताउँछन्। “लेवान्डोस्की एक उत्कृष्ट खेलाडी हुन्, नियमित गोलकर्ता हुन्, तर उनी निश्चित उमेरका छन्,” उनले भने, “३५ वर्षको हो? खेलाडीलाई उसको तलब बाहेक ५० वा ६० मिलियन तिर्न म तयार छैन।”
