लियोनल मेस्सी र क्रिस्टियानो रोनाल्डो आफ्नो खेल जीवनको अन्त्यतिर आइरहँदा हरेको फुटबल फ्यानको सपना हुन्छ यी दुई सुपरस्टार एकै टिमबाट खेलेको हेर्ने। सबैको सपना रहेको छ मेस्सीको पर्फेक्ट असिस्टमा रोनाल्डोको सुन्दर गोल हेर्ने। तर यो सायदै पूरा होला।
तर एक फुटबल फ्यानले एक भिडियो तयार पारेको छ जसमा यो देख्न सकिन्छ कि यदि रोनाल्डो र मेस्सी एकै टोलीबाट खेले भने हामीले कस्ता जादुमय दृश्य देख्न पाउनेछौं। ट्विटर प्रयोगकर्ता @ सेमलेस एफसी ले निकै उत्कृष्ट तरिकाले भिडियो एडिट गरेर यो देखाउने प्रयास गरेका छन्। हेर्नुहोस् उक्त भिडियो…..
भिडियोमा के स्पष्ट देख्न सकिन्छ भने मेस्सी र रोनाल्डोको खेल शैलीहरू एक अर्कालाई पूर्ण रूपमा पूरा गर्छन्। युभे फरवार्ड रोनाल्डो आफ्नो अतुलनीय शारीरिकता र मानसिकताका लागि परिचित छन्, जसले उनलाई विश्वको महान खेलाडीमध्ये एक हुन मद्दत गरेको छ। अर्कोतर्फ, मेस्सी रोनाल्डो भन्दा प्रतिभाशाली देखिन्छन्, जसको प्राविधिक क्षमताले पूरा विश्व चकित पर्ने गर्छन्।
दुबै खेलाडी स्ट्राइकरका साथै विंगरको रूपमा पनि खेल्ने क्षमता राख्छन्। यसको मतलब दुबैले पर्फेक्ट पासका साथ एक-अर्कालाई असिस्ट प्रदान गर्न सक्छन्।
दुबै खेलाडीले आफूहरु बीच कुनै प्रकारको दुश्मनी नभएको र एक-अर्कालाई निकै सम्मान गर्ने बताउँछन्। अब यी दुई मोडर्न डे ग्रेटलाई एकै टिममा खेलेको देख्ने भाग्य प्राप्त हुन्छ कि हुँदैछ त समयले नै बताउला।
