म्यानचेस्टर युनाइटेडका सुपरस्टार क्रिस्टियानो रोनाल्डोले आइतबार प्रिमियर लिगमा आर्सनललाई रेड डेभिल्सले हराएपछि खुसी व्यक्त गर्न सामाजिक सञ्जालमा आएका छन्।
आइतबार (सेप्टेम्बर ४) मा आर्सनललाई हराउँदै म्यानचेस्टर युनाइटेडले प्रिमियर लिगमा आफ्नो विजयी यात्रा चार खेलमा पुर्याएको छ। जितसँगै युनाइटेड ६ खेलबाट १२ अंक जोडेर प्रिमियर लिग तालिकाको पाँचौं स्थानमा उक्लिएको छ। पहिलो हाफमा रेड डेभिल्सका लागि एन्टोनीले आफ्नो डेब्यु खेलमा गोल गर्दै अग्रता दिलाएका थिए। ६० औं मिनेटमा बुकायो साकाले गोल गर्दै गनरका लागि बराबरी गरेपनि एरिक टेन ह्यागको टोलीले जित निकाल्न सफल भयो।
खेलको एक घण्टापछि एण्टोनीको स्थानमा आएका रोनाल्डोले कुनै गोल भने गर्न सकेनन्। उनले मैदानमा आफ्नो प्रभाव खासै देखाउन सफल भएनन्। आफूले खासै जादू देखाउन नसकेपनि आफ्ना सहकर्मीको प्रदर्शनले भने प्रभावित भएको देखिन्छ। आर्सनल विरुद्धको खेलमा प्रतिबिम्बित गर्दै, पोर्चुगिज स्टारले रेड डेभिल्सलाई उनीहरूको प्रयासको लागि प्रशंसा गरे। उनले आइतबार घरेलु फ्यानहरूप्रति कृतज्ञता पनि व्यक्त गरे।
View this post on Instagram
रोनाल्डोले इन्स्टाग्राममा लेखे: “धेरै राम्रो खेल, केटाहरू! र हाम्रा समर्थकहरूलाई धेरै विशेष धन्यवाद! लेट्स गो, डेविल्स!”
