एजेन्सी – बार्सिलोना राइट ब्याक सर्जिनो डेस्ट बार्सिलोना छाडेर अन्यत्र जान तयार भएका छन्। विभिन्न स्पेनिस मिडियाहरुका अनुसार डेस्ट बार्सिलोना छाडेर जान तयार भएका हुन्।
डेस्ट बार्सिलोना छाडेर प्रिमियर लिग क्लब म्यानचेस्टर युनाइटेड जना तयार भएको बार्सिलोना युनिभर्सलले जनाएको छ। बार्सिलोनामा खासै खेल्ने अवसर नपाएका कारण डेस्ट युनाइटेड जान इच्छुक देखिएको बताइएको छ। बार्सिलोना युनिभर्सलले आफ्नो समाचारमा फेरान मार्टिनेजलाई उदृत गर्दै डेस्ट लोनमा युनाइटेड जान तयार रहेका छन्।
डेस्ट सन् २०२० मा बार्सिलोना आएका हुन्। त्यसभन्दा अगाडी उनी डच क्लब आयक्समा थिए। त्यसबेलाका प्रशिक्षक एरिक टेन ह्याग अहिले युनाइटेडमा छन्। टेन ह्याग युनाइटेडको प्रशिक्षक रहेकै कारण डेस्ट युनाइटेड जान इच्छुक देखिएको अनुमान गरिन्छ।
बार्सिलोना प्रशिक्षकमा जाभी आएदेखि डेस्टले बार्सिलोनामा खेल्ने अवसर पाउन संघर्ष गर्न गरिरहेको छ। नयाँ सिजन शुरु भएदेखि जाभीले डेस्टलाई अहिले सम्म एक मौका पनि दिएका छैनन्।
गत सिजन उनले सिजनभर बार्सिलोनाका लागि कुल ३१ खेल खेलेका थिए। तर नयाँ सिजनमा भने उनले पहिलो खेल खेल्न नै बाँकी छ। प्रशिक्षक जाभीले डेस्टको स्थानमा रोनाल्ड अराउजोलाई राइट ब्याकको रुपमा प्रयोग गरिरहेका छन्।
