एजेन्सी – उच्च प्रदर्शनलाई निरन्तरता दिइरहेको लन्डन क्लब आर्सनलले इंग्लिस प्रिमियर लिगमा लगातार चौथो जित निकालेको छ । फुलहमसँग पछि परेको स्थिति उल्ट्याएर आर्सनलले २–१ को जित निकाल्दै लगातार चौथो जित आत्मसात गरेको हो ।
घरेलु मैदान इमिरेट्स स्टेडियममा शनिबार राति भएको खेलमा आर्सनलको जितमा कप्तान मार्टिन ओडेगार्ड र गाब्रियलले गोल गरे । फुलहमका एलेक्सान्डर मित्रोभिकले एक गोल फर्काए ।
प्रतिस्पर्धात्मक खेलको पहिलो हाफ बराबरीमा सकिदा दोस्रो हाफको शुरुमै घरेलु टोलस् आर्सनल पछि परेको थियो । ५६औं मिनेटमा मित्रोभिकले गोल गर्दै आर्सनललाई सुरुवाती अग्रता दिलाए । तर फुलहमको त्यो अग्रता लामो समय टिकेन ।
६४औं मिनेटमा कप्तान ओडेगार्डले बुकायो साकाको पासमा गोल गर्दै खेललाई १–१ गोलको बराबरीमा ल्याए । खेल सकिन ५ मिनेट बाँकी रहँदा गाब्रियलले विलियम सालिवाको पासमा गोल गर्दै आर्सनललाई जित दिलाए ।
लगातार चौथो जितसँगै आर्सनलले म्यानचेस्टर सिटी र ब्राइटनलाई २ अंकले पछि पार्दै शीर्षस्थानमा रहेको छ । अपराजित आर्सनलको चार खेलबाट १२ अंक रहँदा सिटी र ब्राइटनको समान खेलबाट १० अंक छ । पराजित फुलहम ५ अंक जोडेर ११औं स्थानमा छ ।
