हरेक मानिस आफ्नो घरमा माता लक्ष्मीको वास होस् भन्ने चाहन्छन् । वास्तु शास्त्र अनुसार उत्तर दिशालाई धनको देवता कुबेरको दिशा मानिन्छ। यो दिशालाई सफा राख्नाले घरमा लक्ष्मीको वास हुने जनविश्वास रहेको छ । वास्तु शास्त्रमा धन लाभसँग सम्बन्धित केही विशेष उपायहरू उल्लेख गरिएको छ। यदि तपाईसँग धन पनि छैन र आर्थिक अभावले समस्यामा हुनुहुन्छ भने अपनाउनुहोस् यी वास्तु उपाय-
वास्तु शास्त्र अनुसार हरेक दिन बिहान घरको झ्याल र ढोका खोल्नु पर्छ। वास्तुका अनुसार यसो गर्नाले घरमा सकारात्मक ऊर्जाको वास हुन्छ र धन आर्जन हुन्छ । वास्तु शास्त्रका अनुसार सङ्ख माता लक्ष्मीसँग सम्बन्धित छ। यस्तो अवस्थामा पूजा स्थलमा सङ्ख राख्नुपर्छ । धनकी देवी लक्ष्मीसँगै दैनिक शंखको पूजा गर्नु शुभ मानिन्छ ।
वास्तु शास्त्रका अनुसार धन प्राप्तिका लागि मानिसले सधैँ घर सफा गर्ने झाडुलाई लुकाएर राख्नुपर्छ । झाडुलाई माता लक्ष्मीसँग सम्बन्धित मानिन्छ । त्यसैले यसलाई कहिल्यै जहाँ पनि नफाल्नुहोस् र तपाईंको खुट्टामुनि आउन नदिनुहोस्। धार्मिक मान्यता अनुसार पिपलको रुखमा लक्ष्मीको वास हुन्छ । यस्तो अवस्थामा हरेक दिन नुहाएर पिपलको रुखलाई पानी दिनुपर्छ । यसो गर्नाले देवी लक्ष्मी प्रसन्न हुने जनविश्वास छ ।
वास्तुका अनुसार आर्थिक अभावबाट मुक्ति पाउनका लागि फिटकरीलाई कसैले नदेखेको ठाउँमा भाँडामा राख्नुहोस् । यसका साथै हरेक दिन पानीमा फिटकरीको सानो टुक्रा राखेर नुहाउनुहोस् । यसो गर्नाले धनको अभाव कम हुने जनविश्वास छ । वास्तु अनुसार सरसफाइमा माता लक्ष्मीको वास हुन्छ । यस्तो अवस्थामा भुलेर पनि घरमा फोहोर गर्नु तथा फोहोर राख्नु हुँदैन । यसो गर्नाले घरमा समृद्धि आउँदैन ।
