साउन महिनामा नागपञ्चमी पर्ने गर्छ। हिन्दु पात्रो अनुसार नागपञ्चमी साउन महिनाको शुक्ल पक्षको पञ्चमीका दिन मनाइन्छ। यस वर्ष नागपञ्चमी साउन १७ गते मंगलबार मनाइँदैछ। यस वर्ष नागपञ्चमीका दिन भगवान शिवका साथै माता पार्वतीको आशीर्वाद प्राप्त हुने विशेष संयोग बन्ने भएको छ। साउन महिनामा सोमबारको जति महत्व छ, मंगलबारको व्रतको पनि उत्तिकै महत्व छ। साउन महिनाको मंगलबारमा मंगला गौरी व्रत मनाइन्छ। यो व्रत देवी पार्वतीलाई समर्पित मानिन्छ।
नागपञ्चमीको दिन मंगला गौरीको व्रत बस्ने संयोग –
साउन १६ गते मंगलबार नागपञ्चमीको दिन रहेको छ। यस्तो अवस्थामा यस दिन मंगला गौरी व्रत पनि राखिनेछ। यसरी नागपञ्चमीका दिन भगवान शिवसँगै देवी पार्वतीको आशीर्वाद प्राप्त हुने सम्भावना छ। ज्योतिषका अनुसार नागपञ्चमीका दिन भोलेनाथसँगै पार्वतीको पूजा गर्नाले दुबै देवताको आशीर्वाद प्राप्त हुन्छ।
शिव र सिद्धि योगको शुभ संयोग –
यस वर्ष नागपञ्चमीका दिन शिव र सिद्धि योगको शुभ संयोजन बन्ने भएको छ। साउन १७ गते साँझ ६:५३ बजेसम्म शिवयोग रहनेछ। त्यसपछि सिद्धि योग सुरु हुनेछ।
नागदेवको मूर्ति पूजा –
पञ्चमी तिथीलाई नाग देवताको पूजा–आराधनाको लागि अति महत्वपूर्ण मानिन्छ। भगवान शिवलाई नागको देवता मानिन्छ। त्यसैले नागपञ्चमीको दिन भुलेर पनि जीवित नागको होइन नागदेवताको मूर्तिको पूजा गर्नुपर्छ।
नागपञ्चमीको महत्व –
ज्योतिषका अनुसार नागपञ्चमीका दिन भगवान शिवसँगै नागदेवको पूजा गर्नाले विशेष फल प्राप्त हुन्छ। तर नागदेवताको पूजा मन्दिर वा घरमा मात्र गर्नुपर्छ।
