साउन महिना शिवको अति प्रिय महिना हो र यस महिनामा केही विशेष संकेतहरु मिल्यो भने व्यक्तिमा शिवको विशेष कृपा रहने विश्वास रहेको छ। यी संकेत सपनाबाट पनि मिल्न सक्छन्। आज हामी केही यस्ता सपनाका बारेमा जानौँ, जुन सपना साउन महिनामा तपाईंले देख्नुभयो भने त्यसलाई निकै शुभ मानिन्छ। यदि साउन महिनामा यस्ता सपना देखिएमा भोलेनाथको कृपा हुनुको साथै अपार सुख, समृद्धि र सफलता मिल्ने संकेत हो भन्ने मानिन्छ।
त्रिशूल
यदि साउन महिनामा सपनामा त्रिशूल देखियो भने भोलेनाथ तपाईंप्रति दयालु छन् भन्ने स्पष्ट संकेत हो। शिवले सधैं त्रिशूल धारण गर्छन्। यदि यस्तो सपना आयो भने, छिट्टै तपाईंको जीवनमा केही राम्रो खबर आउने वाला छ भनेर बुझ्नुहोस्।
नन्दी
नन्दी भगवान शिवको सवारी हुन्। साउन महिनामा सपनामा नन्दीको दर्शन भएमा शिवको कृपाले हरेक काममा सफलता मिल्ने विश्वास रहेको छ।
नाग देवता
सपनामा सर्प देख्नु निकै शुभ मानिन्छ। साउन महिनामा सपनामा सर्प देखिएमा यो शिवको विशेष कृपाको संकेत हो। यो ठूलो धन लाभको संकेत हो।
भगवान शिव
साउन महिनामा सपनामा शिवको दर्शन हुनु एक वरदान हो। यस्तो समय आएमा बुझ्नुहोस् कि अब तपाईंका सुखका दिन सुरु भएको छ। यसका साथै यो कुनै ठूलो सफलताको संकेत पनि हो।
दूध
साउन महिनामा शिवलिंगलाई दूधले अभिषेक गरिन्छ। साउनमा सपनामा दूध देख्नु शुभ संकेत हो। यस्तो सपनाले तपाईंको जीवनमा खुशीको संकेत गर्छ।
