यस वर्ष, सिंह राशिका व्यक्तिहरुले आगो र औषधिको प्रयोग गर्दा निकै सावधानी अपनाउनु पर्ने देखिन्छ। यो वर्ष सिंह राशिका व्यक्तिहरु सामाजिक कार्यमा सक्रिय रहनुका साथै मान-सम्मान पनि पाउने देखिन्छ। शिक्षा र प्रतिस्पर्धामा राम्रो सफलता पाइनेछ। सन्तान सम्बन्धित चिन्ताहरुबाट मुक्ति मिल्नेछ। नयाँ दम्पतीहरुका लागि सन्तान प्राप्तिको पनि सम्भावना सिर्जना भइरहेको देखिन्छ। प्रेम विवाहका लागि पनि यो वर्ष शुभ सावित हुनेछ।
सूर्यको मकर राशिमा गोचरको समयमा गोप्य शत्रुहरूबाट जोगिनु पर्ला। यस राशिबाट भाग्य भावमा शुक्रको गोचरले राजयोगको निर्माण गर्नेछ, जसका कारण सरकारी कामका लागि आवेदन गर्नुपरेमा अथवा सरकारीस्तरबाट कुनै पनि प्रकारको लाभ लिनुपरेमा, यो वर्ष निकै शुभ साबित हुने देखिन्छ।
स्थानान्तरणको पनि तीव्र सम्भावना देखिन्छ। सिंह राशिका व्यक्तिहरुले लिएको निर्णय अथवा गरेका कार्यहरूको पनि सबैले प्रशंसा गर्नेछन्। पहिलेका समस्या सुल्झनेछन् भने आर्थिक स्थितिमा पनि सुधार आउनेछ।
यस वर्ष, ऊर्जावान र उत्साहित महसुस गर्नुहुनेछ। जसका कारण, कहिलेकाँही चाँडै निर्णय लिन सक्नुहुन्छ, ध्यान पुर्याउनुहोला। विवादित मामिलाहरूलाई वेवास्ता गर्नुहोला। यस वर्ष, कार्य व्यवसायको सफलताको लागि काम गर्दा सफलता प्राप्ति गर्ने देखिन्छ।
शत्रुहरू पराजित हुनुका साथै, अदालतका निर्णयहरू पनि तपाईको पक्षमा हुने देखिन्छ। असोज महिनामा राहुको कर्कट राशिमा गर्ने गोचरका कारण आर्थिक संकट आउन सक्ला। यसका लागि अहिलेदेखिनै सावधान रहनुहोला र व्यर्थ खर्छबाट बच्नुहोला।
