यस वर्षको सुरुवाटदेखिनै वृष राशिका स्वामी शुक्र व्यय भावमा गोचर गरिरहेको छ, जसको फलस्वरुप यस वर्ष वृष राशिका व्यक्तिहरु निकै व्यस्त रहनेछ। स्वास्थ्यमा निकै ध्यान दिनुपर्ने देखिन्छ, विशेष गरि आँखामा केहि समस्याहरु देखा पर्नसक्ला ।
जागिरमा परिवर्तन तथा तनावको सम्भावना रहेको हुदा, कार्यक्षेत्रमा उच्च अधिकारीहरूसँग राम्रो सम्बन्ध कायम राख्नुहोला। झगडा र विवादबाट टाढै रहनुपर्ला।
यस वर्ष आकस्मिक धन प्राप्तिको पनि योग रहेको देखिन्छ। नसोचेको स्थानबाट धन प्राप्ति हुनुका साथै, कैयौं वर्ष देखि नउठेको पैसा पनि यो वर्ष उठ्ने सम्भावना रहेको छ। तर, पारिवारिक कलहको पनि सामना गर्नुपर्ला।
बोल्दा निकै होस् पुर्याउनु पर्ने देखिन्छ। कठोर शब्द प्रयोग गर्नबाट जोगिनुहोला। यस वर्ष, वृष राशिका व्यक्तिहरुले सफलता प्राप्त गर्न कडा परिश्रम गर्नुपर्नेछ। कडा परिश्रम गरे, सफलता प्राप्त गर्नुका साथै मान-सम्मान पनि बढ्ने देखिन्छ।
तपाईंको निर्णय र तपाईंले गरेका कार्यहरूको सबैले कदर गर्नेछन्। सामाजिक तथा धार्मिक कामहरुमा मन जानुका साथै सामाजिक जिम्मेवारीहरु पनि राम्रोसँग निभाउने देखिन्छ।
व्यापार वर्गको लागी अधिक अस्थिरता हुने योग रहेको छ। विद्यार्थी वर्गका लागि शिक्षा तथा प्रतियोगितामा राम्रो अंक प्राप्त गर्न थप प्रयास गर्न आवश्यक पर्ला। यस वर्ष सरकारी कामहरुमा पनि सफलता प्राप्त गर्ने देखिन्छ।
