काठमाडौँ, फागुन ९ । पछिल्लो केहि दिनयता सुनको मुल्य लगातार बढिरहेको छ। आज साताको अन्तिम दिन अर्थात् शुक्रबार फेरी सुनको मुल्य तोलामा ५ सय रुपैयाले बढेको छ । नेपाल सुनचाँदी व्यवसायी महासङ्घले आज छापावाला सुनको मूल्य प्रतितोला ७८ हजार १ सय र तेजाबी सुनको मूल्य प्रतितोला ७७ हजार ८ सय रुपैया तोकेको छ ।
बिहिबार छापावाला सुनको मूल्य प्रतितोला ७७ हजार ६ सय र तेजाबी सुनको मूल्य प्रतितोला ७७ हजार ३ सय रुपैयामा खरिद बिक्री भइरहेको थियो। आजको सुनको भाउ अहिलेसम्म कै महँगो हो।
त्यसै गरि, आज चाँदीको मूल्य भने स्थिर रहेको छ । आज चाँदीको मुल्य प्रतितोला ९ सय १५ रुपैयामा खरिद बिक्री भइरहेको महासङ्घले जनाएको छ ।
पछिल्लो समय अमेरिका र इरानमा देखिएको तना व र चीन–अमेरिका व्यापार यु द्धका कारण सुनको मूल्यमा उतार-चढाव देखिदै आएको छ।
महासङ्घका अनुसार पछिल्लो समय सुनको व्यापार ७५ प्रतिशत हाराहारीमा खुम्चिएको छ । सामान्यतः दैनिक करिब २५ देखि ३० किलो सुन खपत हुँदै आएको नेपाली बजारमा अहिले मुस्किलले १० किलो सुन पनि बिक्री हुन नसकेको महासङ्घले जनाएको छ ।
