काठमाडौँ – गायक निशान भट्टराईको निधन भएको छ। गायक भट्टराई आफैले चलाएको सवारी दुर्घटनामा परी सोमबार निधन भएको हो ।
दरबारमार्गस्थित बानथाई रेस्टुरेन्टबाट आफ्नो निवास फर्कने क्रममा भट्टराई दुर्घटनामा परेका थिए। आफैंले चलाएको कार तीनकुनेस्थित सडकको पोलमा ठोक्किएर दुर्घटनामा परेको बताइएको छ।
प्रहरीका अनुसार भट्टराईलाई ट्रमा सेन्टर लागिए पनि उनको ज्यान बच्न सकेन। ट्रमा सेन्टरमा डाक्टरहरुले भट्टराईलाई सोमबार बिहान मृत घोषणा गरेका हुन्।
भट्टराई विशेष गरेर गजल गायकीका लागि चिनिन्छन्। भट्टराई ४० को दशकको अन्त्यतिर उदाएका थिए। भट्टराई गायिका लोचन भट्टराईका भाइ हुन् भने उनको स्थायी ठेगाना धरान हो।
