फुटबल विश्वकै सर्वाधिक लोकप्रिय खेल हो । फुटबलमा खेलसँगै खेल्ने मैदान र त्यहाँ उपस्थित दर्शक संख्याको पनि महत्वपूर्ण हात रहन्छ । स्टेडियमको विकास विना कुनै पनि क्लब र देशले फुटबलमा ठूलो फड्को मार्न सक्दैन ।
अधिकांश ठूला टोलीले हजारौं दर्शक अटाउने रंगशालामा खेलेर नै टिकट रकमबाट क्लब संचालन गर्ने गर्छन् । समर्थक संख्याले खेलाडीको मनोबल पनि बढ्ने हुनाले यसले खेलमा प्रत्यक्ष असर पार्दछ । विश्वमा नाम चलेका क्लब र देशमा आधुनिक शैलीका फुटबल स्टेडियम रहेका छन् ।दर्शक क्षमता, त्यहाँको सुविधा र इतिहासलाई मध्यनजर गर्दै विश्व फुटबलका पाँच उत्कृष्ट फुटबल रंगशाला र छोटो परिचय यस प्रकार छ :
५. एज्टेका – (मेक्सिको)
मेक्सिको शहर एस्टाडियोमा रहेको एक्टेका स्टेडियम उत्कृष्ट स्टेडियम मध्यको एक हो । यस स्टेडियमको क्षमता १ लाख ४ हजार छ । यस मैदान उत्तर अमेरिकाको सर्वाधिक ठुलो रंगशालाको परिचित छ । विश्वकप फुटबल इतिहासमा यस स्टेडियममा मात्रै दुई पटक विश्वकप फाइनल भएको छ । एज्टेका दर्शक क्षमताको आधारमा विश्वको तेस्रो ठूलो स्टेडियममा पर्दछ ।
४. क्याप नाउ (स्पेन)
बार्सिलोनाको घरेलु मैदान क्याप नाउ युरोपको सबैभन्दा ठुलो दर्शक क्षमता रहेको स्टेडियम हो । यस स्टेडियमको क्षमता ९८ हजार ७ सय ५७ रहेको छ । सन् १९८२ को विश्वकप फाइनलमा १ लाख २० हजार क्षमता रहेको थियो । तर पछि स्टेडियममा उभिन नपाइने नियमसँगै दर्शक क्षमता ९८ हजारमा झारिएको छ ।
३.ओल्ड ट्राफर्ड (इंग्ल्यान्ड)
ओल्ड ट्राफर्ड विश्वको उत्कृष्ट स्टेडियम मध्यको एक हो । सन् १९१० देखी सञ्चालनमा आएको यस स्टेडियमको क्षमता ७५ हजार रहेको छ । यो इंग्लिस क्लबको सबैभन्दा ठूलो स्टेडियमका रुपमा परिचित छ । यो म्यानचेस्टर युनाइटेडको घरेलु मैदान पनि हो । फुटबल समर्थक म्यानचेस्टर युनाइटेडको जादुमय खेल हेर्न त्यहाँ पुग्ने गर्दछन् ।
२. एलियान्ज एरिना (जमर्नी)
बायान म्युनिखको घरेलु मैदान एलियान्जको डिजाइनलेनै सबै समर्थक र खेलाडीलाई आर्कषित पार्ने गर्दछ । यो युरोपको एक मात्रै यस्तो स्टेडियम हो जसको बाहिरि आवरणमा सहजै रंग परिवर्तन गर्न मिल्छ । जर्मनीकै उत्कृष्ट मानिने यस स्टेडियममा ७५ हजार समर्थक अट्ने क्षमता रहेको छ ।
१. वेम्बली (इंग्ल्यान्ड)
वेम्ब्ली विश्वफुटबलकै सर्वोत्कृष्ट स्टेडियम मानिन्छ । यस स्टेडियम सन् २००७ देखी पुन सञ्चालनमा आएको हो । आधुनिक डिजाइनबाट बनेको यस रंगशाला विश्वमै प्रसिद्ध छ । यस स्टेडियमको क्षमता ९० हजार रहेको छ ।
