काठमाडौँ : नेपाल कम्नियुष्ट पार्टी (नेकपा) का अध्यक्ष पुष्पकमल दाहाल “प्रचण्ड” ले नेकपाको सरकार ५ वर्ष टिक्ने बताएका छन् ।
सोमबार नेकपाका अर्का वरिष्ठ नेता माधवकुमार नेपालसँगै जनकपुर पुगेका प्रचण्डले केपी ओली शर्मा नेतृत्वको सरकार ५ वर्ष रहने हो कि होइन भन्ने प्रश्नमा ५ वर्ष नेकपाको सरकार रहने धारणा व्यक्त गरेका हुन् ।
प्रचण्डले ओली नेतृत्वको सरकार नै ५ वर्ष रहन्छ नभनी नेकपाको रहन्छ भनेर आफू प्रधानमन्त्री बन्न सक्ने संकेत गरेका हुन् ।
आइतबारको प्रतिनिधिसभा बैठकलाई सम्बोधन गर्दै प्रधानमन्त्री केपी शर्मा ओलीले आगामी निर्वाचनसम्म सरकार परिवर्तन हुने सपना नदेख्न चुनौती दिएका थिए ।
आफूलाई आगामी निर्वाचनसम्म पदबाट हटाउने सपना नदेख्न चुनौती दिँदै प्रधानमन्त्री ओलीले केही प्रतिगामी तत्व सडकमा आए भन्दैमा जनताले निर्वाचन गरी सुम्पिएको जिम्मेवारीबाट सरकार नभाग्ने धराणा व्यक्त गरेका हुन् ।
