स्वार्थ, लोभ मानवमा हुनु कुनै नराम्रो कुरा होइन। अरुलाई प्राथमिकतामा राख्दा आफ्नो प्रगति नहुने भएकै कारण मानिसहरु स्वार्थी हुन्छन्। तर केहि व्यक्तिहरु भने आफूलाई भन्दा अरुलाई प्राथमिकतामा राख्न रुचाउँछन्।
ज्योतिषशास्त्रका अनुसार हरेक राशिको आफ्नो-आफ्नै व्यवहार र स्वभाव हुन्छ। यसै आधारमा रहेर पनि राशि अनुसार स्वार्थीपन छुट्याउन सकिने ज्योतिषीहरु बताउँछन्।
कुन राशिले आफूलाई कति प्रतिशत प्राथमिकतामा दिन्छ त ? हेर्नुहोस्
मेष
व्यवहारले मेष राशि हुने व्यक्तिहरु अरुको भन्दा आफ्नो फाइदाको पक्षमा ध्यान दिन्छन्। ज्योतिषशास्त्रका अनुसार यिनीहरु लगभग ७० प्रतिशत स्वार्थी हुन्छन्। स्वभावले दयालु भएता पनि फाइदा हुने अवस्थामा यिनीहरु आफैलाई प्राथमिकतामा राख्छन्। तर अरुको प्रगतिमा भने कहिले पनि इर्ष्या नगर्ने मेष राशिको स्वभाव हुन्छ।
वृष
वृष राशि हुनेहरु आफ्नो लागि मात्र नभई अरुको लागि पनि सोच्छन्। यिनीहरु लगभग ४५ प्रतिशत स्वार्थी हुन्छन्। आफूलाई घाटामा राखेर पनि कहिले काहीं वृष राशि हुनेहरु अरुलाई प्राथमिकता दिन्छन्।
मिथुन
अरुलाई मद्दत गर्ने स्वभावका भएर पनि मिथुन राशिहुनेहरु अरुलाई भन्दा बढी आफूलाई प्राथमिकतामा राख्छन्। यिनीहरु भित्र लगभग ६० प्रतिशत स्वार्थ लुकेको हुन्छ।
कर्कट
स्थिति अनुसार कर्कट राशि हुनेहरु आफूलाई प्राथमिकतामा राख्ने की अरुलाई भन्ने बारे निर्णय गर्छन्। यिनीहरु लगभग ५० प्रतिशत मात्रै स्वार्थी हुन्छन्। आवश्यकता परेको खण्डमा कर्कट राशि हुनेहरु घाटामा पनि चित्त बुझाउँछन्।
सिंह
स्वभावले अलि रिसाहा भएता पनि सिंह राशि हुनेहरु आफूलाई भन्दा बढी अरुलाई प्राथमिकतामा राख्छन्। यिनीहरु लगभग ४० प्रतिशत मात्र स्वार्थी हुन्छन्। अरुको मन जित्न सिंह राशि हुनेहरु आफ्नो मात्र स्वार्थ नहेरेर अरुको फाइदामा पनि योगदान दिन्छन्।
कन्या
ज्यादै मिलनसार र विनम्र स्वभावका हुन्छन् ,कन्या राशि हुनेहरु। यिनीहरु आफूलाई भन्दा बढी अरुलाई प्राथमिकतामा राख्छन्। भावुक स्वभावका हुनाले पनि कन्या राशिहुनेहरु कम स्वार्थी हुन्छन्। लगभग ३० प्रतिशत मात्रै कन्या राशि हुनेहरु भित्र स्वार्थ लुकेको हुन्छ।
तुला
अरुलाई सहयोग गर्ने भएर पनि कहिले काहीं तुला राशि हुनेहरु आफूलाई अलि धेरैनै प्राथमिकता दिन्छन्। लगभग यिनीहरु ५५ प्रतिशत स्वार्थी हुन्छन्। आवश्यकता परेको खण्डमा तुला राशि हुनेहरु आफ्नो फाइदा नहेरी योगदान गर्न पनि पछि पर्दैनन्।
वृश्चिक
यस राशि हुनेहरु आफूलाई धेरै नै प्राथमिकतामा राख्छन्। आफ्नो मात्र फाइदा हेर्ने हुँदा वृश्चिक राशि हुनेहरु भित्र ८० प्रतिशत स्वार्थ लुकेको हुन्छ। थोरै प्रतिशत मात्र यिनीहरु अरुको बारेमा सोच्छन्। आफ्नो सुखमा ध्यान दिने भएता पनि वृश्चिक राशि हुनेहरु कहिले काहीं अरुलाई पनि प्राथमिकतामा राख्छन्।
धनु
धनु राशि हुनेहरु शान्त स्वभावका हुन्छन्। आफूलाई भन्दा अरुलाई प्राथमिकतामा राख्ने यिनको स्वभाव हुन्छ। लगभग ३५ प्रतिशत मात्रै यिनीहरु स्वार्थी हुन्छन्। अरुको पनि खुशीको बारेमा सोच्ने हुँदा धनु राशि हुनेहरु आफूलाई घाटा हुनेभएता पनि स्वार्थ त्याग्छन्।
मकर
जसरी होस् आफ्नो प्रगति छिटो होस् भन्ने मकर राशि हुनेहरुको सोचाइ हुन्छन्। स्वभावले महत्वकांशी भएको कारणले पनि यस राशि हुनेहरु आफूलाई अलि बढी नै प्राथमिकतामा राख्छन्। यिनीहरु लगभग ७५ प्रतिशत स्वार्थी हुन्छन्।
कुम्भ
स्वार्थको मामलामा कुम्भ राशि हुनेहरु अलि धेरै नै अस्थिर हुन्छन्। यिनीहरु कहिले धेरै स्वार्थी भन्छन् भने कहिले कम। लगभग ४० देखि ७० प्रतिशतको बीचमा यिनीहरु स्वार्थी हुन्छन्। कुम्भ राशि हुनेहरु कुन अवस्थामा आफूलाई प्राथमिकतामा राख्छन् र कुना अवस्थामा अरुलाई भन्ने ठेगान नै हुँदैन।
मीन
स्वभावले सहयोगी, मिलनसार भएर पनि मीन राशि हुनेहरु आफूलाई प्राथमिकतामा राख्न रुचाउँछन्। आफ्नो प्रगति बारे यिनीहरु स्पष्ट हुन्छन् जसकारण मीन राशि हुनेहरु हद भन्दा बढी स्वार्थी हुन्छन्। मीन राशि हुनेहरु ९० प्रतिशत स्वार्थी हुन्छन्। तर आफ्नो स्वार्थ पूरा गर्न मीन राशि हुनेहरु अरुलाई प्रयोग भने कहिले पनि गर्दैनन्।
