हजार्डको १००औं खेलमा बेल्जियमको सहज जित

Leaderboard Banner

एजेन्सी – कप्तान इडेन हजार्डले १००औं क्याप जितेको खेलमा बेल्जियमले सन् २०२० मा हुने युरोकप छनोट खेलमा लगातार दोस्रो जित निकालेको छ ।

युरो छनोट अन्तरगत आइतबार राति भएको बेल्जियमले साइप्रसलाई २–० ले पराजित गरेपछि लगातार दोस्रो जित हात पारेको हो ।

बेल्जियमको जितमा कप्तान इडेन हजार्ड र मिचे बात्सुयाईले गोल गरे । बेल्जियमले सुरुवाती २० मिनेटमै २–० को अग्रता बनाएको थियो । त्यही सुरुवाती गोल नै बेल्जियमको जितमा पर्याप्त बन्यो ।

बेल्जियमका लागि १००औं अ‍ेल खेलिरहेका हाजार्डले खेलको १०औं मिनेटमा मिचे बात्सुयाईको पासमा कप्तान हजार्डले गोल गर्दै खेलमा अग्रता बनाएको थियो । यससँगै हजार्ड बेल्जियमबाट १०० क्याप जित्ने तेस्रो खेलाडी बने ।

१८औं मिनेटमा मिचे बात्सुयाईले थोर्गन हाजार्डको पासमा गोल गरेपछि बेल्जियमले अग्रता दोब्बर बनायो । त्यसपछि पनि खेलमा दवाव सिर्जना गरेपनि गोल गर्न नसक्दा सुरुवाती गोल नै बेल्जियमको जितमा पर्याप्त बन्यो ।

जितसँगै बेल्जियम २ खेलबाट ६ अंक जोडेर शीर्षस्थानमा रहेको छ । एक जित र हार बेहोरेको साइप्रस ३ अंकसहित चौथो स्थानमा छ ।

प्रकाशित : सोमबार, चैत ११, २०७५११:१३
अर्को समाचार:

दोस्रो खेलमा पनि कुवेतलाई रोक्ने योजना