ब्राजिलियन मिलिटाओ रियल म्याड्रिड जाने पक्का

Leaderboard Banner

म्याड्रिड (एजेन्सी)– ब्राजिलियन रक्षक इडर मिलिटाओ समरमा पोर्टोबाट क्लबमा आबद्ध हुने स्पेनिस चर्चित टोली रियल म्याड्रिडले पक्का गरेको छ ।

यसै साता जिनेदिन जिदानलाई प्रशिक्षकका रुपमा भित्र्याएको रियलले मिलिटाअोसँग ६ वर्षे लामो सम्झौता गरेको बताइएको छ । उनी सन् २०२५ सम्म बेर्नबाउ रहने भएका छन् । रियलले उनको सरुवा रकम सार्वजनिक गरेको छैन । तर, मार्काका अनुसार विगतमा भनिएको ५० मिलियनबाट बढाएर ७५ मिलियन युरोमा भित्राउने तयारी भएको बताइएको छ ।

२१ वर्षे प्रतिभावान मिलिटाओ साउ पाउलोबाट गत समरमा पोर्टो पुगेका थिए । उनले डेब्यू सिजनमै युरोपमा प्रभाव छाड्न सफल भएका थिए । उनको विक्रीमा ब्राजिलियन क्लबले समेत आर्थिक लाभ पाउनेछ । मिलिटाओले जारी सिजनमा खेलेका सबै खेलमा प्रभाव पारेका छन् ।

च्याम्पियन्स लिगमा पनि उनी नियमित रुपमा टोलीको सदस्य रहँदै आएका छन् । पोर्टो २०१५ पछि पहिलो पटक च्याम्पियन्स लिगको क्वार्टरफाइनलमा पुग्न सफल भएको छ । यो साता अनेपक्षित रुपमा रियलका प्रशिक्षकका रुपमा जिनेदिन जिदानको पुनरागमन भएपछि क्लब पुरानै अवस्थामा फर्कने विश्वास लिइएको छ ।

प्रकाशित : शुक्रबार, चैत ०१, २०७५१५:२०
अर्को समाचार:

बार्सिलोना र युनाइटेड खेल्ने, युभेन्ट्सलाई सहज !