जसोतसो काभानीले पीएसजीलाई हारबाट जोगाए

Leaderboard Banner

स्टार्सवर्ग (एजेन्सी) – एडिन्सन काभानीको गोलमा पेरिस सेन्ट जर्मेन (पीएसजी) फ्रेन्च लिग वान फुटबलमा हारबाट जोगिएको छ ।

लिग वान अन्तरगत बुधबार राति भएको खेलमा काभनीकै गोल मद्दतमा पीएसजी स्टार्सवर्गसँग १–१ गोलको बराबरी खेलेको हो । स्टार्सवर्गको मैदानमा बुधबार राति भएको खेलमा पीएसजी पहिलो हाफमा १–० ले पछि परेको थियो । ४१औं मिनेटमा केन्नी लालाले पेनाल्टीमार्फत गोल गर्दै घरेलु टोलीलाई अग्रता दिलाएका थिए ।

लालाले प्रहार गरेको बलमा केहररले ह्यान्ड गरेपछि स्टार्सवर्गले भिएआर मार्फत पेनाल्टीको अपिल गरेको थियो । रेफ्रीले भारकै माध्यमबाट स्टार्सवर्गलाई पेनाल्टीको मौका दिएका थिए । जसमा लाला चुकेनन् ।

पहिलो हाफमा १–० ले पछि परेको पीएसजीले ७१औं मिनेटमा पेनाल्टीमार्फत नै बराबरी गोल फर्कायो । लालाले केलियन एमबाप्पेलाई पेनाल्टी क्षेत्रभित्र फल गरेपछि पीएसजीले पेनाल्टीको मौका पाएको थियो । जसलाई इडिन्सन काभानीले सहजै गोल गरे । त्यसपछि थप गोल निस्कन नसक्दा खेल १–१ गोलको बराबरीमा सकियो ।

बराबरीपछि लिग वानमा अपराजित रहेको पीएसजीको १६ खेलबाट ४४ अंक पुगेको छ । जुन दोस्रो स्थानको लिलेको भन्दा १४ अंकले बढी हो । स्टार्सवर्ग २२ अंकसहित नवौं स्थानमा छ ।

प्रकाशित : बिहिबार, मङि्सर २०, २०७५०९:२३

आफ्नो मत ब्यक्त गर्नुहोस् :

अर्को समाचार:

आईपीएलमा नेपाली खेलाडीले दर्ता गरेनन्