टोटेनहम तेस्रो स्थानमा उक्लियो !

Leaderboard Banner

वेम्वली (एजेन्सी) – टोटेनहम हस्टपरले साउथह्यमाम्टनमाथि सहज जित निकाल्दै इंग्लिस प्रिमियर लिग फुटबलमा तेस्रो स्थानमा उक्लिएको छ ।

टोेटेनहमले चेल्सीलाई पछि पार्दै लिगको तेस्रो स्थानमा उक्लन सफल भएको हो । चेल्सी वल्भ्ससँग २–१ ले पराजित भएपछि तेस्रो स्थानमा उक्लने मौका गुमाउँदा टोटेनहमले शीर्ष तीनमा उक्लिन सफल भएको हो । टोटेनहमको १५ खेलबाट ३३ अंक पुगेको छ । चेल्सीको ३१ अंक छ । साउथह्याम्पटनको १५ खेलबाट ९ अंकसहित १८औं स्थानमा छ ।

वेम्वली मैदानमा भएको खेलमा घरेलु टोलीलाई सहज जित दिलाउन ह्यारी केन, लुकास मौरा र ह्युङ मिन सनले गोल गरे । पराजित टिमका लागि चार्ली अस्टिनले सान्तवना गोल फर्काए ।

ह्यारी केनको गोलबाट टोटेनहमले खेलको नवौं मिनेटमा अग्रता बनाएको थियो । केनले क्रिस्टियन इरिक्सनको पासलाई सदुपयोग गरेको थियो । पहिलो हाफमा १–० ले अघि रहेको टोटेनहमले दोस्रो हाफमा थप दुई गोल गर्दा एक गोल खायो ।

५१औं मिनेटमा लुकास मौराले गोल गर्दै अग्रता दोब्बर पारे । ५५औं मिनेटमा ह्युङ मिन सनले ह्यारी केनको पासलाई गोलमा परिणत गरेपछि टोटेनहमले ३–० को आरामदायी अग्रता बनायो । इन्ज्युरी समयको थप गरिएको तेस्रो मिनेटमा चार्ली एस्टिनले साउथह्याम्पटनका लागि सान्तवना गोल फर्काए ।

प्रिमियर लिगका अन्य खेलका नतिजा:

बर्नली विरुद्ध लिभरपुल (१–३)

एभर्टन विरुद्ध न्यु क्यासल (१–१)

फुलहम विरुद्ध लेस्टर सिटी (१–१)

वल्भ्स विरुद्ध चेल्सी (२–१)

म्यानचेस्टर युनाइटेड विरुद्ध आर्सनल (२–२)

प्रकाशित : बिहिबार, मङि्सर २०, २०७५०९:१७

आफ्नो मत ब्यक्त गर्नुहोस् :

अर्को समाचार:

जसोतसो काभानीले पीएसजीलाई हारबाट जोगाए