रोनाल्डो अझै पोर्चुगलको राष्ट्रिय टोलीमा किन अटाएनन् ?

Leaderboard Banner

एजेन्सी – रुसमा सम्पन्न फिफा विश्वकप २०१८ यता राष्ट्रिय टोलीमा स्थान नपाएका इटालियन क्लब युभेन्ट्सका स्टार फरवार्ड क्रिस्टियानो रोनाल्डो फेरी पनि राष्ट्रिय टोलीमा अटाएका छैनन् ।

प्रशिक्षक फर्नान्डो सान्टोसले यूईएफए नेसन्स लिगको अन्तिम दुई खेलका लागि घोषणा गरेको टोलीमा अन्य सिनियर खेलाडी पुनरागमन गर्दा रोनाल्डो भने टोलीमा पर्न सकेनन् । यसअघि पोर्चुगलको स्थानीय संचार माध्यमले रोनाल्डो टोलीमा पर्ने सम्भावना रहेको बताएपनि प्रशिक्षक सान्टोसले रोनाल्डोलाई टोलीमा समेटेका छैनन् । उनलाई सन् २०१९ सम्म राष्ट्रिय टोलीबाट विश्राम दिने निर्णय लिएको बुझिएको छ ।

रोनाल्डोको उपस्थितिबारे प्रश्न राख्दा प्रशिक्षक सान्टोसले रोनाल्डो ब्यालोन डी’ओर जित्नुपर्ने हुन् भन्ने जवाफ दिए । उनले त्यसबाहेक अन्य केहि कारण बताउन चाहेनन् । रोनाल्डो आफैंले क्लब फुटबललाई प्राथमिकतामा राख्दै आफूलाई राष्ट्रिय टोलीको जिम्मेवारीबाट केहि समय मुक्त गर्न आग्रह गरेको चर्चा पोर्चुगलमा चलेको छ । रोनाल्डोले राष्ट्रिय टोलीमा उनको अनुपस्थितिमा पनि बलियो होस् भन्ने हेतुले यो निर्णय लिएको ती रिपोर्टले जनाएका छन् ।

प्रशिक्षक सान्टोसले अनुभवी डिफेन्डर जोसे फोन्टे र राफेल गुरेरोलाई टोलीमा समेटेका छन् । मिडफिल्डरद्वय आन्द्रे गोमेस र जोआओ मारिओ पनि टोलीमा समावेश गरिएका छन् । यी चारै खेलाडीलाई पछिल्लो पटक विश्राम दिइएको थियो । यसपटक भने यूईएफए नेसन्स लिगमा नतिजामुखी भएर नै प्रशिक्षक सान्टोसले टोली घोषणा गरेका हुन् ।

पोर्चुगलले यूईएफए नेसन्स लिग अन्तर्गत अन्तिम दुई खेलमा इटाली र पोल्यान्डसँग खेल्दैछ । इटालीसँगको खेल १७ नोभेम्बरमा हुनेछ भने पोल्यान्डसँग २० नोभेम्बरमा घरेलु मैदानमा हुनेछ ।

प्रकाशित : शुक्रबार, कार्तिक २३, २०७५०८:२२

आफ्नो मत ब्यक्त गर्नुहोस् :

अर्को समाचार:

अर्को वर्ष हुने महिला विश्वकपको अहिले नै लाखौँ टिकट बिक्री