काङ्ग्रेसले हार्नुको यस्तो रहेछ कारण, सभापति देउवाले दिए यस्तो अभिब्यक्ती

Leaderboard Banner

भक्तपुर, २२ कात्तिक (रासस)-  नेपाली काङ्ग्रेसका सभापति शेरबहादुर देउवाले नेपाली काङ्ग्रेसभित्रको आपसी झगडाका कारण चुनावमा हार व्यहोर्नुपरेको बताउन्ुभयो ।

दीपावली, नेपाल संवत् २०३९ तथा छठ पर्वको अवसरमा आज नेपाली काङ्ग्रेस भक्तपुर जिल्ला समितिले आयोजना गरेको शुभकामना आदानप्रदान एवं जय नेपाल स्मारिका विमोचन कार्यक्रममा उहाँले सो कुरा बताउनुभएको हो ।

पूर्वप्रधानमन्त्रीसमेत रहनुभएका सभापति देउवाले भन्नुभयो, “नेपाली काङ्ग्रेसमा आपसी मेलमिलाप हुन नसक्दा र पार्टीभित्रको आन्तरिक झगडाका कारण चुनावमा हार व्यहोर्नुप¥यो, आन्तरिक झगडा नभएको भए चुनाव जितिन्थ्यो ।”

काङ्ग्रेस एक अर्कालाई हराउने खेलमा लाग्दा व्यक्तिलाई मात्रै नभई सिङ्गो पार्टीले हार व्यहोनुर््परेको उल्लेख गर्दै उहाँले काङ्ग्रेसभित्र पार्टीले जसलाई टिकट दिए पनि जिताउनुपर्छ भन्ने संस्कार बसाल्नु अति आवश्यक रहेको बताउनुभयो ।

सभापति देउवाले चुनावमा भएको हारबाट नेपाली काङ्ग्रेसले धेरै ठूलो पाठ सिक्नुपर्ने चर्चा गर्दै हारबाट हतोत्साही र निरशा नभई अबको चुनाव जितमा परिणत गर्नुपर्नेमा जोड दिनुभयो ।

सो अवसरमा उहाँले जय नेपाल स्मारिकाको विमोचन गर्नुका साथै काङ्ग्रेसका नेताद्वय राजनकाजी त्वाती र पवन भुजुलाई सम्मान गर्नुभयो ।

नेपाली काङ्ग्रेस भक्तपुरका जिल्ला सभापति दुर्लभ थापा, जिल्ला सचिव उद्धव सिलवाल, जिल्ला सचिव निशान ढुङ्गेल, क्षेत्र नं १ का सभापति जीवन खत्री, क्षेत्र नं २ का सभापति नारायण खायमाली, तरुण दलका जिल्ला अध्यक्ष राजु थापालगायतले नेपाली काङ्ग्रेसलाई साङ्गठनिक रूपमा एकताबद्ध बनाएर लैजानुपर्ने आजको आवश्यकता रहेको बताउनुभयो ।

पूर्वप्रधानमन्त्री देउवाद्वारा शुभकामना व्यक्त

पूर्वप्रधानमन्त्री एवं नेपाली काङ्ग्रेसका सभापति शेरबहादुर देउवाले नेपाल संवत् ११३९ को अवसरमा सम्पूर्ण नेपाली दाजुभाइ तथा दिदीबहिनीहरुमा हार्दिक शुभकामना व्यक्त गर्नुभएको छ ।

नेपाल संवत्का अवसरमा आज शुभकामना सन्देश जारी गरेर विपक्षी दलका नेता देउवाले पारस्परिक एकता र सद्भावलाई अघि बढाउन सकेमा मात्र नेपाललाई शान्त, समृद्ध र समुन्नत बनाउन सकिने बताउनुभएको छ ।

सन्देशमा उहाँले हाम्रो देशलाई शान्त, समृद्ध र समुन्नत राष्टमा रुपान्तरण गर्न नेपाल संवत्को नयाँ दिनले यही प्रेरणा प्रदान गरोस् भन्ने कामना गर्नुभएको छ ।

यसैगरी भाइटीकाको अवसरमा उहाँले आजै अर्को एक शुभकामना सन्देश निकालेर अन्धकार विनाश गर्ने उज्यालोको यो चाडले नेपालको अभिशापका रुपमा रहेको सबै खालको अँध्यारोमाथि विजय प्राप्त गर्न प्रेरणा मिलोस् भन्दै स्वदेश तथा विदेशमा रहेका सबै नेपालीमा शुभकामना व्यक्त गर्नुभएको छ ।

प्रकाशित : बिहिबार, कार्तिक २२, २०७५१८:२७

आफ्नो मत ब्यक्त गर्नुहोस् :

अर्को समाचार:

नेविसंघको आह्वानमा आज र भोलि काभ्रेका सबै विद्यालय बन्द !