आज देशैभर मनाइयो कुकुर तिहार ! सेना र सर्वसाधारणले यसरी गरे कुकुरपूजा ! (फोटोफिचर)

Leaderboard Banner

काठमाडौँ,  यमपञ्चकको दोस्रो दिन आज इमान्दारीपूर्वक घरको सुरक्षामा खटिने कुकुरको पूजा गरी मीठो खानेकुरा खान दिएर कुकुर तिहार मनाइएको छ ।

कात्तिक कृष्ण चतुर्दशीका दिन कुकुरको पूजा गरी मीठो खान दिए यमलोकको यात्रा गर्दा यमराजको पहरेदारका रुपमा मूलढोकामा बस्ने श्याम र सवल नाम गरेका कुकुरले सहजरुपमा बाटो छोडिदिने धार्मिक विश्वास छ । वैवस्वत मन्वन्तर कुलमा जन्मिएको कुकुर अहिले लोकप्रिय घरपालुवा जनावरका रुपमासमेत स्थापित भएको छ ।

नरक चतुर्दशी स्नान, दीपदान

आज बिहान अरुणोदयकालमा नदी, तलाउ वा धारामा गई स्नान गरेर सालको पातमा यमदीप दक्षिण दिशामा फर्काइ बालेर बगाउने कार्य पनि वैदिक सनातन हिन्दू धर्मावलम्बीले गरेका छन् । यसलाई नरक स्नान गर्ने र नरक बगाउने भनिन्छ ।

आज यसरी नरके बगाएमा नरकको दर्शन गर्नु नपर्ने शास्त्रीय मान्यता रहेको नेपाल पञ्चाङ्ग निर्णायक समितिका अध्यक्ष प्रा डा रामचन्द्र गौतमले जानकारी दिनुभयो । यसैकारण आजको दिनलाई नरक चतुर्दशी पनि भनिन्छ ।

देशैभर आज कुकुर तिहार मनाइरहेको केहि तस्विरहरु यस लेखमा समावेश गरिएको छ ।

मध्यपुरथिमि स्थित भैरब बहान गुल्ममा मंगलबार यमपञ्चकको दोस्रो दिन कुकुर पूजा गर्दै नेपाली सेना।

हिन्दुहरुको महान चाड तिहारको परम्परा अनुसार घर घरमा आज कुकुर पूजा गरिँदै ।

प्रकाशित : मङ्गलबार, कार्तिक २०, २०७५१२:१७

आफ्नो मत ब्यक्त गर्नुहोस् :

अर्को समाचार:

तिहारको अवसरमा सस्तो सुन भन्दै ठगि गर्ने ३ जना पक्राउ !