अर्को सवारी साधनलाई उछिन्ने क्रममा माइक्रोबसले ठक्कर दिँदा पैदलयात्रु अन्दुलालको मृत्यु !

Leaderboard Banner
सांकेतिक तस्विर

राजविराज, पूर्वपश्चिम राजमार्गअन्तर्गत सप्तरीको अग्नि साइकृष्ण सवरण गाउँपालिका– १ जण्डोलमा माइक्रोबसको ठक्करबाट पैदलयात्री स्थानीयवासी ६५ वर्षीय अन्दुलाल चौधरीको मृत्यु भएको छ ।

विराटनगरबाट काठमाडौंँतर्फ जाँदै गरेको बा ५ ख १४५१ नं को माइक्रोबसले अर्को सवारी साधनलाई उछिन्ने क्रममा सडक किनारमा हिँडिरहेका चौधरीलाई ठक्कर दिँदा उनको घटनास्थलमै मृत्यु भएको इलाका प्रहरी कार्यालय, कञ्चनपुरले जनाएको छ ।

घटनापछि स्थानीयवासी र पीडितले पूर्वपश्चिमराजमार्गमा केही घण्टा चक्का जाम गरेका थिए । माइक्रोबस र चालकलाई नियन्त्रणमा लिने शर्तमा यातायात पुनःसञ्चालन गरिएको जिल्ला प्रहरी कार्यालयले जनाएको छ ।

प्रकाशित : सोमबार, कार्तिक ०५, २०७५१५:५४

आफ्नो मत ब्यक्त गर्नुहोस् :

अर्को समाचार:

बाघको बहन क्षमताबारे अध्ययन हुँदै