सन्दीपले बनाए नयाँ कीर्तिमान, तोडे ६ बर्षको पुरानो रेकर्ड !

Leaderboard Banner

काठमाडौँ – लेग स्पिनर सन्दीप लामिछानेले मलेसियामा जारी आईसीसी विश्वकप टी–२० एसिया क्षेत्र छनोटको खेलमा आफ्नो नाममा नयाँ कीर्तिमान बनाएका छन् ।

सिंगापुरबीरुद्ध सुरुवाती २ विकेट लिदैँ नयाँ रेकर्ड कायम गरेका हुन् । यो दुई विकेटसँगै एकै प्रतियोगितामा राष्ट्रिय टोलीबाट सवार्धिक विकेट लिने बलर बनेका छन् । जारी प्रतियोगितामा सन्दीपले २२ विकेट लिई सकेका छन् । सन्दीपले सिंगापुरका मनप्रीत सिंहलाई १० रनमा आउट गर्दै यो सफलता हात पारेका हुन् ।

यसअघि राष्ट्रिय टिमबाट एकै प्रतियोगितामा धेरै विकेट लिने रेकर्ड बसन्त रेग्मी र बिनोद दासको नाममा रहेको छ । रेग्मीले सन् २०१२ को डिभिजन–४ प्रतियोगितामा तथा बिनोद दासले सन् २००५ को एसीसी फास्ट ट्रयाक कन्ट्रीज तीन दिवसीय प्रतियोगितामा समान २१ विकेट लिएका थिए । उक्त रेकर्ड तोड्दै सन्दीपले नयाँ कीर्तिमान राखेका हुन् ।

एकै अन्तर्राष्ट्रिय प्रतियोगितामा नेपालको लागि सर्वाधिक विकेट लिने रेकर्ड सन्दिपकै नाममा रहेको छ। उनले गत बर्ष जुलाईमा यु–१९ बिश्वकप छनोट प्रतियोगितामा ६ खेलमा कुल २४ विकेट लिंदै कीर्तिमान बनाएका थिए ।

प्रकाशित : शुक्रबार, असोज २६, २०७५१३:४१

आफ्नो मत ब्यक्त गर्नुहोस् :

अर्को समाचार:

ए डिभिजन लिग : एपीएफ र शेर्पाको गोलरहित बराबरी