वामदेवका लागि पद त्याग गर्न तयार रामवीरलाई दिइएको सम्मान खोसिने ! आक्रोश सहित विज्ञप्ति !

Leaderboard Banner

काठमाडौँ- वामदेव गौतमलाई प्रतिनिधिसभा संसादमा निर्वाचित गर्नको लागि राजिनामा दिने घोषणा गरेक काठमाडौं ७ का सांसद रामवीर मानन्धर अहिले विवादित बनेका छन्।

पार्टी भित्रै पनि अहिले उनको विरोध भैरहेको छ। पार्टी भित्र र बाहिर मात्र नभएका अहिले उनी आफैले जितेर आएको निर्वाचन क्षेत्रका जनताबाट आलोचित भएका छन्।

‘उहाँको यो कदमले सायमि (मानन्धर)हरुको मात्र हैन, सम्पूर्ण नेवार जातिको टाउको निहुरिएको छ’, नेपालभाषामा लेखिएको विज्ञप्तिमा उल्लेख छ, ‘यसको विरोधस्वरुप हामी थँहितिका मानन्धर समुदायले उहाँलाई दिएको सम्मान फिर्ता लिन्छौँ । किनभने उहाँ त्यो सम्मानका लागि लायकै होइन भन्ने तथ्य उहाँको गतिविधिले देखायो ।’

काठमाडौं ७ का रैथाने नेवार समुदाय उनी माथि आक्रोशित भएको बुझिएको छ। मानन्धर गुथिको एउटा धार्मिक कार्यक्रममा रामवीर मानन्धरलाई दिइएको सम्मान फिर्ता गर्ने निर्णय गर्दै उनी माथि आफ्नो आक्रोश प्रष्ट रुपमा राखेका छन्।

जनताले जिताएर पठाएको जनप्रतिनिधिले आफ्नो स्वार्थको लागि राजिनामा दिने कुरा प्रति मानन्धर गुथिले नेपाल भाषामा लिखित विज्ञप्तिनै निकालेको छ।

प्रकाशित : बिहिबार, असोज २५, २०७५११:४९

आफ्नो मत ब्यक्त गर्नुहोस् :

अर्को समाचार:

वामदेवलाई प्रतिनिधिसभामा ल्याउने कुराले नेकपाको नियमित कार्यसूचीनै प्रभावित !