गोली हान्नु भन्दा पहिला नाम सोधेर मात्रै गोलि हानेको खुलासा !

Leaderboard Banner

इनरुवा, बिहीबार सुनसरीको हरिनगर गाउँपालिका–२ मा रहेको रै्ययान नेशनल स्कूलका सञ्चालक मौलाना खुर्शिद अन्सारीलाई पहिचान गरेर गोली हानी हत्या गरेको रहस्य खुलासा भएको छ ।

स्कूल सञ्चालक समितिको बैठक सकेर अमीन अन्सारीको मोटरसाइकलमा पछाडि बसेर विद्यालयबाट दक्षिण घरतर्फ जाँदै गरेको बेला दिउँसो ११ बजेर १५ मिनेटमा सोही दिशाबाट आएको चार जनाको अज्ञात समूहले पहिचान गरेर खुर्शिदलाई गोली प्रहार गरेका थिए ।

सञ्चालक समितिको बैठक समापन भएसँगै साथी अमीन अन्सारीको मोटरसाइकलमा गइरहेको बेला नम्बर प्लेट नभएको सोही दिशाबाट सेतो रङ्गको अपाचे र नीलो रङ्गको पल्सर मोटरसाइकलमा आएका चार जनाको समूहले दुवै तर्फबाट छेकेको र खुर्शीद को हो भनी सोध्दै खुर्शिदले म हुँ भनेपछि उहाँको टाउको र छातीमा गोली प्रहार गरेको हरिनगर गाउँपालिकाका न्यायिक समितिका सदस्य अलाउद्दिन अन्सारीले बताउनुभयो ।

गोली प्रहार गरेर भागिरहेका अज्ञात व्यक्तिलाई घुस्की प्रहरी चौकीमा कार्यरत प्रहरी हबलदार शिवलाल पौडेलले रोक्न खोज्दा उनलाई समेत खुट्टामा गोली प्रहार गरेर एक सयभन्दा बढीको स्पिडमा मोटरसाइकल लिएर भारततर्फ भागेको प्रत्यक्षदर्शी लुकमान अन्सारीले बताउनुभयो । त्यहाँबाट भारतको बोड १५ किलोमिटर रहेको छ । घाइते भएका प्रहरी हबलदार पौडेलको धरानस्थित बिपी कोइराला स्वास्थ्य विज्ञान प्रतिष्ठानमा उपचार भइरहेको सुनसरीका प्रजिअ प्रेमप्रकाश उप्रेतीले बताउनुभयो ।

यता घटनाको विरोधमा स्थानीयवासीले टायर बालेर प्रदर्शन गर्दै भुटाहाबजार दिनभर बन्द गराएका थिए । घटनाको विषयमा अनुसन्धान भइरहेको सुनसरीका प्रहरी उपरीक्षक राजन अधिकारीले बताउनुभयो । उहाँले भारतको प्रहरी उपरीक्षकसँग कुराकानी भएको बताउनुहँुदै एउटा शङ्कास्पद मोटरसाइकलको नम्बर आएको र यस विषयमा अनुसन्धान भइरहेको बताउनुभयो ।

यता नेपाली काङ्ग्रेस १ नं प्रदेशका संसदीय दलका नेता तथा सुनसरी सभापति राजीव कोइरालाले घटना दुःखद भएको बताउनुहुँदै दोषीमाथि कडाभन्दा कडा कारवाही गर्न माग गर्नुभएको छ ।

प्रकाशित : बिहिबार, असोज ०४, २०७५२०:४६

आफ्नो मत ब्यक्त गर्नुहोस् :

अर्को समाचार:

आज एकाबिहानै बनेपा जाँदै गरेको बसले मोटरसाइकललाई ठक्कर दिँदा दुईको मृत्यु !