डा. देवकोटाको आत्माले नेताहरुलाई के भन्यो होला ?

Leaderboard Banner

काठमाडौँ – प्रख्यात न्यूरोसर्जक डा. उपेन्द्र देवकोटालाई राजकीय सम्मान दिने निर्णय गरेर चीन गएका मितव्ययिताको नारा दिने प्रधानमन्त्री केपी ओली ११९ जनाको जम्बो टोली बोकेर स्वदेश फर्किसकेका छन् ।

बाँचुन्जेल आफ्नै पार्टीको षड्यन्त्रका सिकार बनाइएका नेपाली चिकित्सा क्षेत्रका हीरा मानिने डा. देवकोटालाई मरेपछि गर्न खोजिएको यो सम्मान पनि कतै ओलीको सस्तो लोकप्रियता कमाउने नियमित चाल मात्र त होइन ?

भन्ने कुरा मर्नुअघि डा. देवकोटाले आफ्नो अनुभव र अनुभूतिलाई संगालेर व्यक्त गरेका ‘मेरो माटो, मेरो चन्दन’ को शृङ्खला–२८ पढ्ने जो–कोही पाठकलाई सजिलै अनुभूति हुन्छ । पुष्करलाल श्रेष्ठद्वारा लिखित यो लेख आजको नेपाल समाचारपत्र राष्ट्रिय दैनिक पत्रिकामा प्रकाशित छ।

किनभने लामो समयदेखि मृत्युलाई कुरेका र ‘राष्ट्रिय नायक’ मानिएका डा. देवकोटालाई जोगाउन राज्यबाट अन्तिम समयसम्म के–कस्ता उपायहरु अवलम्बन गरिएका थिए भन्ने बारे एउटा पनि समाचार पढ्न पाइएको थिएन ।

राष्ट्रका लागि अविस्मरणीय योगदान दिने स्वाभिमानी व्यक्तित्वहरुलाई बाँचुन्जेल पीडा दिने र मरेपछि गोहीको आँसु बगाउने हाम्रा नेताहरुको द्वैधचरित्र स्वर्गीय डा. देवकोटाले यो शृङ्खलामा व्यक्त गरेका मार्मिक अभिव्यक्तिहरु पढेपछि घामजत्तिकै छर्लङ्ग हुन्छ ।

जीवनमा मर्नुअघि उनले एउटा ठूलै सपना बोकेका रहेछन्– नेपालमा न्यूरोलोजीको छुट्टै अस्पताल बनाउने, न्यूरो सर्जरीको सेवा स्थापित गर्ने, न्यूरो सर्जरीको तालिम देशभित्र नै सञ्चालन गरी आफ्नै मुलुकमा न्यूरोसर्जकहरु उत्पादन गर्ने र न्यूरो सर्जरी एवम् न्यूरोलोजीको विशाल इन्स्टिच्युट बनाई इन्स्टिच्युट अफ न्यूरो साइन्स स्थापना गर्ने ।

यी चारवटा महान् उद्देश्यहरु बोकेर लागेका डा. देवकोटालाई प्रधानमन्त्री अध्यक्ष भएको तत्कालीन नेकपा एमालेका नेताहरुले गरेका षड्यन्त्र मर्नुअघिसम्म पनि खप्न नसकेपछि उनले यो २८ औं शृङ्खलाको शीर्षक नै ‘मविरुद्ध षड्यन्त्रकारीहरुले ठूलो षड्यन्त्र गरे’ भनी राखेको कुराबाट पनि माथिको कुरा पुष्टि हुन्छ ।

स्वर्गीय देवकोटाले वरिष्ठ पत्रकार युवराज घिमिरेमार्पmत यो शृङ्खलामा व्यक्त गरेका केही मार्मिक अंशहरुलाई देश सञ्चार अनलाइनबाट यहाँ जस्तातस्तै साभार गर्ने प्रयास गरेको छु । पढौं अब उनकै शब्दमा–

न्यूरोलोजीलाई, न्यूरोसर्जरीलाई कसरी बाइपास गर्ने भनेर धेरै तल्लो लेबलको पोलिटिक्स खेलियो । म पछि पनि आउँछु त्यसमा, त्यो मेरो लागि एकदमै तीतो अनुभव हो ।

त्यसलाई म मीठो बनाएर भन्न सक्दिनँ । किनभने मेरो जिन्दगीको धेरै बहुमूल्य समय बर्बाद भएको छ । अन्तिममा ठूलो षड्यन्त्रमूलक तरिकाले न्यूरो सर्जरी, न्यूरोलोजीलाई त्यो दौडबाट ‘आउट’ गरियो ।

त्यसलाई मैले धेरै सहज तरिकाले लिएको छैन । एउटा मान्छेको जिन्दगी त्यहाँ व्यतीत गर्न लगाइयो । मेरो कन्सेप्ट पहिलादेखि नै क्लियर थियो ।

यी चारवटा विषयमा केन्द्रीय लेबलमा ठूला इन्स्टिच्युट चाहिन्छ । अनि त्यसका शाखा–प्रशाखाहरु अन्त लैजाने हो । यिनीहरु हरेक अस्पतालमा खोल्न सकिँदैन ।

बेलायत सरकारले सकेन, अमेरिकाले सकेन भने नेपालले सक्दैन । अहिले जे भइरहेको छ, हरेक नर्सिङ होममा एउटा एउटा डिपार्टमेन्ट सबै विषयको, त्यो गलत हो । उनीहरुले स्तरीय सेवा दिन सक्दैनन् ।

यी चारवटा विशेषज्ञ सेवाहरु केन्द्रीय स्तरमा या केन्द्रीकृतरुपमा हुन्छ । अरु सेवाहरु विकेन्द्रीकृत गरिन्छ । तर हाइली स्पेसलाइज अथवा कार्डियोलोजी, न्यूरो सर्जरी, न्यूरोलोजीको, क्यान्सर र बच्चाका सेवाहरु जहिले पनि केन्द्रीकृत हुन्छन् ।

प्रकाशित : सोमबार, असार ११, २०७५०६:४७
अर्को समाचार:

एसइई नतिजामा भूल : ५ लाख विद्यार्थीको मनोविज्ञानमा गम्भीर खेलबाड, हजारौँ विद्यार्थीको नतिजा फेरियो,