विश्वकपमा हेर्नलायक खेलाडीमा नेयमार ! यस्तो रहेको छ स्पष्ट लक्ष्य !

Leaderboard Banner

काठमाडौं – विश्व खेलकुदको सबैभन्दा चर्चित प्रतियोगिता, फुटबलको महाकुम्भ विश्वकप २०१८ जुन १४ देखि रुसमा सुरु हुंदैछ । ‘विश्वकपमा हेर्नलायक खेलाडी’ को सुचीमा रहेका छन् ब्राजिलका फरवार्ड नेयमार ।

ब्राजिलको १६ वर्षमा पहिलो पटक विश्वकप जित्ने बलियो मौका रहेको छ । ब्राजिलको टोली डिफेन्स र मिडफिल्डमा बलियो रहेको छ भने अग्रपंक्ति प्रतियोगितामा सबैभन्दा आकर्षक रहेको छ । त्यस अग्रपंक्तिको नेतृत्व गर्ने छन् पिएसजीका स्टार खेलाडी नेयमार ।

नेयमार केही वर्षदेखि बताइरहेका छन् कि बलोन डि’ओर जित्ने उनको लक्ष्य रहेको छ । बार्सिलोनामा लियोनल मेस्सीको छायामा रहेको महसुस गर्दै नेयमार पिएसजीतिर लागे । त्यहां पनि उच्च प्रदर्शन गरेका नेयमार सिजनको अन्तिमतिर भने घाइते भए ।

चोटिल भएका नेयमार विश्वकपमा फिट हुने नहुने अनिश्चित थियो । तर दुई मैत्रीपूर्ण खेलमा दुई सुन्दर गोलसंगै नेयमारले आफ्नो लक्ष्य स्पष्ट पारेका छन् – विश्वकप २०१८ । यदी विश्वकप जिताउन सफल भए नेयमार आफ्नो व्यक्तिगत लक्ष्य बलोन डि’ओरको पनि नजिक अवश्य हुने थिए ।

ब्राजिल विश्वकप समूह ‘ई’मा स्विट्जरल्यान्ड, सर्बिया र कोस्टा रिकासंग रहेको छ । समूह चरणमा खेलहरु तुलनात्मक रुपमा सहज भए पनि प्रतियोगिता अघि बढ्दौ जादाँ ब्राजिलको चुनौति भने कठिन हुंदै जानेछ । पछिल्लो विश्वकपको नमिठो याद पनि ब्राजिललाई भुलाउन छ र त्यसका लागि नेयमारले निकै महत्त्वपूर्ण भुमिका खेल्नु पर्ने हुने छ ।

प्रकाशित : सोमबार, जेठ २८, २०७५२०:०४

आफ्नो मत ब्यक्त गर्नुहोस् :

अर्को समाचार:

आज हुने विश्वकप २०१८ को उद्घाटन खेल कसले जित्छ ? बिरालोले गर्यो भविष्यवाणी, हेर्नुस् [भिडियो]