चीनद्वारा दुई विमान नेपाललाई हस्तान्तरण

Leaderboard Banner

काठमाडौँ, ४ वैशाख : चीन सरकारको सहुलियत ऋणमा हालै ल्याइएका दुई वाई–१२ विमान आज औपचारिक रुपमा नेपाल वायु सेवा निगमलाई हस्तान्तरण गरिएको छ ।

त्रिभुवन अन्तर्राष्ट्रिय विमानस्थलमा आयोजित एक कार्यक्रमबीच संस्कृति, पर्यटन तथा नागरिक उड्डयन मन्त्री रवीन्द्र अधिकारी र नेपालका लागि चिनियाँ राजदूत यू होङले विमानको संयुक्त उद्घाटन गर्नुभयो ।

चीन सरकारको सहुलियत ऋणमा ल्याइएका दुई वाई १२ विमान मंगलबार नेपाल सरकारलाई हस्तान्तरणका लागि संस्कृति, पयृटन तथा नागरिक उड्डयनमन्त्री रविन्द्र अधिकारी र नेपालका लागि चीनका राजदूत यु होङको उपस्थितिमा हस्ताक्षर गर्दै नेपाल वायुसेवा निगमका महाप्रवन्धक सुगतरत्न कंसाकार र चीनका प्रतिनिधि । तस्वीर ः नवीन पौडेल, रासस

कलसाइन ९एन–एकेयू÷९एन–एकेभी विमान करीब डेढ महिनाअघि काठमाडौँ ल्याइएको थियो । जम्मा १७ सिट क्षमताका यी दुईसहित छ वटा चिनियाँ विमान नेपाल आइसकेका छन् । छ विमानमध्ये दुई विमान वाई १२ र एमए ६० ९५६ सिट क्षमताका० विमान चीनको अनुदानमा ल्याइएको हो भने बाँकी एक एमए ६० र तीन वाई १२ गरी चार विमान सहुलियत ऋणमा खरिद गरिएको निगमले जनाएको छ ।

विसं २०६९ मा नेपाल सरकार र चीन सरकारबीचको प्रत्यक्ष सम्झौताबमोजिम कूल ६ वटा जहाज नेपाल वायुसेवा निगमले ल्याउने र त्यसमा दुई अनुदान र चार वटा सहुलियत ऋणमा ल्याउने सहमति भएको थियो । निगमका पुराना तीनसहित नौ वटा विमान आन्तरिक उडानका लागि छन् भने अन्तर्राष्ट्रियतर्फ एक बोइङ र दुई एयरबस ए–३२० बाट उडान भर्दै आएको छ ।

चीन सरकारको सहुलियत ऋणमा ल्याइएका दुई वाई १२ विमान मंगलबार त्रिभुवन अन्तराष्ट्रिय विमानस्थलमा नेपाल सरकारलाई हस्तान्तरणपछि संस्कृति, पयृटन तथा नागरिक उड्डयनमन्त्री रविन्द्र अधिकारीलाई मायाको चिनो प्रदान गर्दै नेपालका लागि चीनका राजदूत यू होङ । तस्वीर ः नवीन पौडेल, रासस

हाल निगमले देशका विभिन्न २३ गन्तव्यमा आन्तरिक तथा अन्तर्राष्ट्रियतर्फ विभिन्न मुलुकका आठ वटा गन्तव्यमा नियमित उडान भर्दै आएको छ । निगममा विमान भित्रिए पनि विमानचालक ९पाइलट० अभावका कारण तीन वटा विमान लामो समयदेखि थन्किएका छन् ।

सय दिनभित्र छवटै विमान उडाउन निर्देशन

पर्यटनमन्त्री रवीन्द्र अधिकारीले चीनबाट ल्याइएको छ वटै विमान सय दिनभित्र सञ्चालनमा लयाउन वायु सेवा निगमलाई निर्देशन दिनुभएको छ ।

विमान आउने र विभिन्न बहानामा थन्किने अवस्था रहेकोप्रति चासो जनाउँदै उहाँले अबको तीन महिनाभित्र विमान पूर्ण रुपमा सञ्चालनका व्यवस्थापन गर्न निगमलाई आग्रह गर्नुभयो ।

चीन सरकारको सहुलियत ऋणमा ल्याइएका दुई वाई १२ विमान मंगलबार त्रिभुवन अन्तराष्ट्रिय विमानस्थलमा नेपाल सरकारलाई हस्तान्तरण गर्न आयोजित कार्यक्रमको उद्घाटन गर्दै संस्कृति, पयृटन तथा नागरिक उड्डयनमन्त्री रविन्द्र अधिकारी र नेपालका लागि चीनका राजदूत यु होङ । तस्वीर ः नवीन पौडेल, रासस

पर्यटनमन्त्री अधिकारीले नेपाल र चीनको सम्बन्ध विमान उडेजस्तै हुनुपर्ने भन्दै आएका विमानलाई सहज रुवमा उडानको वातावरण सिर्जना गर्न दुवै पक्षले ध्यान दिनुपर्ने खाँचो औँल्याउनुभयो । “छ वटा विमान आएका छन् यो सञ्चालन राम्रो भयो भने दुई देशबीचको सम्बन्ध पनि राम्रो हुन्छ, सधैँ विमान चालक अभाव भनेर उम्कन पाइँदैन धेरै पाइलट उत्पादन गर्ने गरी त्यस अनुरुपको तालीम लगायतका कार्यक्रम प्रभावकारी रुपमा लैजानुपर्छ,” मन्त्री अधिकारीले भन्नुभयो ।

निगमका महाप्रबन्धक सुगतरत्न कंसाकारले निगमले नयाँ विमानबाट आन्तरिक उडानलाई प्रभावकारी बनाइने बताउनुभयो ।

चीन सरकारको सहुलियत ऋणमा ल्याइएका दुई वाई १२ विमान मंगलबार त्रिभुवन अन्तराष्ट्रिय विमानस्थलमा नेपाल सरकारलाई हस्तान्तरण कार्यक्रममा मन्तव्य व्यक्त गर्दै नेपालका लागि चीनका राजदूत यु होङ । तस्वीर ः नवीन पौडेल, रासस

निगमका प्रवक्ता रवीन्द्र श्रेष्ठले निगमका सकेसम्म तीन महिनाभित्रै सबै विमान उडानको व्यवस्थापन गरिने र हालकै गन्तव्यमा उडान भर्ने योजना सुनाउनुभयो ।

नेपालका लागि चिनियाँ राजदूत यू होङले नेपालको अर्थतन्त्रको महत्वपूर्ण आधार पर्यटन क्षेत्रको प्रवद्र्धनका लागि नयाँ विमान उपयोगी हुने धारणा व्यक्त गर्नुभयो ।

चीन सरकारको सहुलियत ऋणमा ल्याइएका दुई वाई १२ विमान मंगलबार त्रिभुवन अन्तराष्ट्रिय विमानस्थलमा नेपाल सरकारलाई हस्तान्तरणपछि संस्कृति, पयृटन तथा नागरिक उड्डयनमन्त्री रविन्द्र अधिकारी, नेपालका लागि चीनका राजदूत यू होङलगायत । तस्वीर ः नवीन पौडेल, रासस
प्रकाशित : मङ्गलबार, बैशाख ०४, २०७५१८:३१

आफ्नो मत ब्यक्त गर्नुहोस् :

अर्को समाचार:

आज साँझ मिनीट्रकको ठक्करबाट खतिवडाको मृत्यु