चितवनमा बसको ठक्करबाट साइकलयात्रीको मृत्यु, चार घाइते

Leaderboard Banner

चितवन, पूर्वी चितवनको रत्ननगर नगरपालिका वडा नं १० स्थित हरिहर मन्दिर चोकमा आज साँझ बसको ठक्करबाट एक साइकलयात्रीको मृत्यु भएको छ ।

नारायणगढबाट भण्डारातर्फ जाँदै गरेको बा३ख २३५४ नंको बसले रत्ननगर– १ का ७४ वर्षीय रेशमबहादुर कार्कीलाई ठक्कर दिँदा उनको मृत्यु भएको जिल्ला प्रहरी कार्यालय, चितवनका प्रहरी नायब उपरीक्षक प्रभुप्रसाद ढकालले जानकारी दिनुभयो ।

ठक्करबाट गम्भीर घाइते भएका कार्कीलाई भरतपुर अस्पतालमा ल्याउँदै गर्दा बाटोमै मृत्यु भएको हो । बसको ठक्करबाट अन्य चार जना पैदलयात्रीसमेत घाइते भएका छन् । उनीहरुको भरतपुर अस्पतालमा उपचार भइरहेको प्रहरी नायब उपरीक्षक ढकालले जनकारी दिनुभयो । ठक्कर दिने बसलाई प्रहरीले नियन्त्रणमा लिएको छ । चालक फरार रहेकाले उनको खोजी भइरहेको प्रहरीले जनाएको छ । -रासस

प्रकाशित : बुधबार, फागुन ३०, २०७४२१:३२

आफ्नो मत ब्यक्त गर्नुहोस् :

अर्को समाचार:

Breaking: गौशालामा गोली चल्यो, गुण्डा नाइके गणेश लामा पक्राउ