मुख्यमन्त्री राईद्वारा जेसीज भवन उद्घाटन

Leaderboard Banner
प्रदेश नं १ का मुख्यमन्त्री शेरधन राई

इटहरी, १८ फागुन : प्रदेश नं १ का मुख्यमन्त्री शेरधन राईले शासन ब्यक्तिको होइन विधिको हुनुपर्छ भन्ने जेसीज युवाको उदाहरणीय सिद्धान्त एवं प्रजातान्त्रिक शैलीबाट राज्य बनाउने शिक्षा लिँदै देश निर्माणको पक्षमा लाग्ने बताउनुभएको छ ।

मुख्यमन्त्री राईले बिहीबार सुनसरी जिल्लाको रामधुनी नगरपालिकाको झुम्का जेसीजको १३ पदस्थापन तथा झुम्का जेसीजको नयाँ भवनको उद्घाटन समारोहपछि सो कुरा बताउनुभएको हो ।

उहाँले प्राकृतिक सम्पदाको धनी १ नम्बर प्रदेशलाई समृद्धितिर लैजान जेसीजमा आबद्ध जेसीजका समाजप्रति समर्पित युवाको सकारात्मक सोच आवश्यक छ भन्नुभयो ।

उहाँले देशका अरु प्रदेशभन्दा पृथक ढंगले १ नम्बर प्रदेशलाई नमूना प्रदेश बनाउने प्रादेशिक सरकारको चाहानालाई घनिभूतरुपमा सफल तुल्याउन साझा अभियानमा सबैको छलफल एवं सहकार्य जरुरी रहेको उल्लेख गर्नुभयो ।

उक्त कार्यक्रममा झुम्का जेसीजका नयाँ पदाधिकारीको पदस्थापन एवं वर्षभरि समाज सुधारमा उल्लेखनीय कार्य गर्नुहुने जेसीज पदाधिकारीलाई पुरस्कार एवं सम्मानपत्रद्वारा सम्मान गरिएको थियो । उक्त अवसरमा प्रदेशमा विपक्षी दलका नेता एवं सांसद राजीव कोइराला रामधुनी नपाका प्रमुख जयप्रकाश चौधरी हेमराज फुयाल र सोम गौतमले पनि आआफ्नो विचार राख्नुभएको थियो ।

झुम्का जेसीजले रामधुनी नगरपालिका र जेसीज पदाधिकारीको सहयोगमा कूल रु १५ लाखको लागतमा एक कट्ठा जमिन क्षेत्रमा निर्माण गरिएको ५०० दर्शक क्षमताको झुम्का जेसीज भवन निर्माण गरेको हो ।

प्रकाशित : शुक्रबार, फागुन १८, २०७४०९:३८

आफ्नो मत ब्यक्त गर्नुहोस् :

अर्को समाचार:

विद्युत् महशुल नतिर्ने सरकारी कार्यालयको लाइन काटियो