प्रधानमन्त्री देउवादेखि प्रचण्डसम्म पुगे भारतीय दूतावास: तर किन गएनन् ओली ?

Leaderboard Banner

काठमाडौं । शुक्रबार भारतको ६९ औं गणतन्त्र दिवसको अवसरमा नेपालस्थित भारतीय राजदूतावासमा आयोजित एक चियापानमा प्रधानमन्त्री शेरबहादुर देउवादेखि उपराष्ट्रपति नन्द बहादुर पुनसहित अन्य मुख्य दलका शीर्ष नेताहरुको उपस्थिति रेहको थियो ।

तर, भावी प्रधानमन्त्रीको रुपमा हेरिएका नेकपा एमालेका अध्यक्ष केपी शर्मा ओली भने सहभागी भएनन्।  भारतीय दुतावास लाजिम्पाटमा  आयोजित उक्त  कार्यक्रममा प्रधानमन्त्री शेरबहादुर देउवा, उपराष्ट्रपति नन्दबहादुर पुन, नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एमालेका वरिष्ठ नेता माधवकुमार नेपाल, बलिउड अभिनेत्री मनिसा कोइराला लगायतका अन्य नेताहरु सहभागी भएका थिए ।

एमाले अध्यक्ष केपी शर्मा ओली भने सहभागी भएनन् । ओली सामुदायिक रेडियोहरुको कार्यक्रममा सहभागी हुन पोखरा पुगेकाले चियापानमा सहभागी भएनन् ।

कार्यक्रममा नेपालका लागि भारतीय राजदूत मञ्जिवसिंह पूरीले सहभागीलाई स्वागत गरेका थिए ।

प्रकाशित : शुक्रबार, माघ १२, २०७४१७:५८

आफ्नो मत ब्यक्त गर्नुहोस् :

अर्को समाचार:

तीसवर्षीय सेवावधि खारेज गर्न निवेदन